Roende van Vrankriek
From Wikipedia
De Roende van Vrankriek (Frans: Tour de France) is e meerdoagse koers deur Vrankrik. De Tour is oentstaan in 1903, g'organiseerd deur Henri Desgrange.
De Tour deurt drie weken, met iddern dag een etappe (ofgewisseld mè e 3-tal rustdoagn). 't Is de belangriekste wielerkoers in 't joar mè 't mêeste prestige. Da komt om daje als koereur vanolles moe kunn: bergop rien, lange vlakke ritt'n teehn 50 per eure, tiedrien, tope werk'n mè je ploegmoatn, inspanniengn kunn doseern, enzovoors.
De recordoeder is Lance Armstrong die de Roende 7 kèrs gewon et. Jacques Anquetil, Eddy Merckx, Bernard Hinault, Miguel Indurain en em vuuf kèrs gewon.
[bewerk'n] Belangrikste klassement'n
- In de Roende droaj et voerol om de gèlv'n boaj. Dat is 't symbool van de eindoverwinnoare: de coureur die over ol de etappes 't minst tied gedoan et.
- Puntnklassement (groen boaj). In iedere etappe zin de punt'n te verdien. Wie der 't mêest verzoameld, wint 't punt'nklassement. Mêestol is dat voer e goein sprinter weggeleid.
- Bergklassement (de bolletjes). Op iddern klim (4de, 3de, 2de, 1ste en buut'n categorie) ku je punt'n verdien.
- Joengernklassement (witt'n boaj). 't Zelfste principe lik de gèlvn boaj, moa ton voe coureurs joenger da 26.
 |
Mêer prentjes die ier bie pass'n ku je vien ip Tour de France ip Wikimedia Commons. |
