Sant'Antonio da Padoa
Da Wikipedia, ła ençiclopedia libara.
|
Sto articolo l'è scrito en diałeto padovan (padoàn, paduàn)
|
Sant'Antonio de Padova, al secoło Fernando Bulhão (Lisbona, 15 de agosto 1195 - Padova, 13 de giugno 1231) xè stà un frate francescan, el xè santo deła Cèsa Cattołica. Ea data de nasita xè tramandà par tradision.
El géra de fameja de nobiłì portoghesi disendenti dal cavałiéré crociato Goffredo di Buglione.
Prima cò ì Canonici regolari agostiniani dè Coimbra (1210), dopo cò ì (1220) francescan, el predicò dapartuto, 'ntel Portogało prima, e dopo in Itałia, le sò parołe le géra piene de dotrina dèła Sacre Scriture.
'Ntel 1221 el gà incontrà, ała Porziuncola, San Francesco de Asisi, che lo mandò ał'eremo dè Montepaolo, vìsìn Forlì, cità dove el scumisiò a predicare.
Profesore de teołgia e ało steso tenpo predicatore, el conbaté l'eresia catara, soratuto in Franzsa, cò tanta fòrsa e cò tanta convinzsion. Dopo el xè stà trasferìo anca a Bołogna e in fin a Padoa, cità dove el xè patrono.
El morì el 13 de giugno del 1231, ala età de 35 ani, visin de ła cesa de ła Arceła (Ara Coeli) frazsion nord de Padoa, de ritorno dal convento de Campo San Piero indove ch'el se jera ritirà. Dopo eła sò morte ì tanti miracołi gà fato in modo che el fùse invocà dai devoti come un infaticabiłe guaritor che tuti lo dixèva santo.
'Ntel 1232, l'ano dopo dèła sò morte, papa Gregorio IX lo gà fato santo.
Pio XII, che 'ntel 1946 gà Sant'Antonio eleto tra i dotori de ła Cesa Catołica, in paticołàre ghè xè stà dà el titoło dè dotore evangełico, parchè el gèra sołito sostegnere le sò affermasion cò le citasion del Vangeło.
Eła granda Basiłica de Padoa eła xè dedicà a Sant'Antonio e in sità eła xè cìamà "El Santo". Ghe xè anca un dito su Padoa, ligà anca al Santo: ea saria infati ea cità col cafè sensa porte, el santo sensa nome, el prà sensa erba, che saria el cafè Pedrochi, sant'Antonio apunto, e el Prà de ła Vałe.
Sant'Antonio el se festeja el 13 de giugno; a Padoa, par l'ocasìòn, sè fà nà inponente cełebrasion cò la procesion.
