Kabupatén Subang

Ti Wikipédia, énsiklopédi bébas

Kabupatén Subang
Lambang Kabupatén Subang
Peta lokasi Kabupatén Subang
Motto	Rakyat Subang Gotong Royong Subang Maju
Propinsi	Jawa Barat
Ibukota	Subang
Lega Wilayah	2.051,76 km²
Kordinat	107” 31’ - 107” 54’ bujur wétan jeung 6” 1’ - 6” 49’ lintang kidul
Pangeusi
· Jumlah	1.407.000 (2003)
· Kapadetan	686 jiwa/km²
Administratif
· Kacamatan	21
· Désa/ kalurahan	-
Dasar hukum	-
Tanggal	-
Bupati	-
Kode area telepon	0260
DAU	Rp. -
Situs web resmi: http://www.subang.go.id

Kabupatén Subang mangrupakeun hiji kabupatén di Propinsi Jawa Barat, Indonésia. Ibukotana nyaéta Subang. Kabupatén ieu wawatesan jeung Laut Jawa di beulah kalér, Kabupatén Indramayu di beulah wétan, Kabupatén Sumedang di wétan kidul, Kabupatén Bandung di beulah kidul, sarta Kabupatén Purwakarta jeung Kabupatén Karawang di beulah kuloneunnana.

[édit] Babagian Administratip

Kabupatén Subang kawengku ku 21 kacamatan, nu kabagi deui kana sababaraha désa jeung kalurahan. Puseur pamaréntahannana aya di Kacamatan Subang.

[édit] Transportasi

Kabupatén ieu diliwatan ku jalur pantura, sedengkeun ibukota Kabupatén Subangna mah henteu kaliwatan ku ieu jalur. Jalur pantura di Kabupatén Subang mangrupakeun salah sahiji jalur anu pangraména di Pulo Jawa. Kota kacamatan nu aya dina jalur ieu diantarana Ciasem jeung Pamanukan. Kabupatén Subang oge diiliwatan ku jalur alternatif nuju ka Bandung, Cirebon atawa Tasikmalaya. Lintas Subang - Bandung ngaliwatan Kalijati beuki dipikaresep ku pengemudi sabab jalanna alus jeung bébas halangan, komo deui ti saprak dibukana Gerbang Tol Kaluar di daérah Sadang. Sisimpangan Jalancagak mangnrupakeun sisimpangan nu stratégis sabab ti sisimpangan ieu bisa nepi ka Bandung - Sumedang - Sadang ngaliwatan Wanayasa jeung Kota Subangna sorangan.

[édit] Pangeusi

Pangeusi Subang umumna mangrupakeun Suku Sunda, nu ngagunakeun Basa Sunda minangka bssa sapopoéna. Tapi sanaos kitu oge, sapalih wilayah di basisir mah pangeusina migunakeun Basa Jawa Dialék Cirebon (Dermayon). Mayoritas pangeusi Kabupatén Subang ngagem ageman Islam.

[édit] Géograpi

Beulah kidul wilayah Kabupatén Subang mangrupa dataran luhur/pagunungan, sedengkeun beulah kalérna mangrupa dataran handap nu nuju langsung ka Laut Jawa.

[édit] Ékonomi

Ku sabab kalolobaan pangeusina boga panghasilan utama minangka patani jeung buruh pakebonan, nu matak paékonomian Subang loba keneh ditunjang ku séktor patanian. Di Subang beulah kidul loba aréa pakebonan, saperti karét di beulah kulon kalér jeung kebon teh anu kacida legana. Subang dipikawanoh minangka salasahiji daérah nu ngahasilkeun buah ganas, utamana Ganas Madu. Ganas Madu bisa dipanggihan di sapanjang Jalancagak. Dodol ganas, kiripik sampeu jeung selé mangrupakeun kadaharan hasil industri rumah tangga nu bisa dijadikeun oleh-oleh. Ngaliwatan program binaan Yayasan Kandaga, para patani keur ngabudidayakeun supa tiram, lauk nilem di desa Cipunagara.

[édit] Pendidikan

Kalolobaan pangeusi Kabupatén Subang ngan saukur sakola tepi ka Sakola Dasar, sahingga pikeun ngagerakkeun paékonomian rayat diperlukeun katerampilan.

Bagian ieu pondok kénéh. Anjeun bisa mantuan ku jalan nambahannana.

[édit] Pariwisata

Ciater. Di antara gomplokna pakebonan entéh, di wilayah kidul, Kabupatén Subang boga sumber cai panas nu terus ngalir di daérah Ciater. Sari Ater mangrupakeun tujuan wisata nu kacida kakoncarana alatan kahasan tur karaméannana nalika usum pakansi utamana peré Lebaran. Sari Ater salian ti nyadiakeun balong pamandian cai panas, oge ngabogaan panginepan-panginepan nu dipikanyaho minangka Saung Kabayan, cocok keur kulawarga nu hayang liburan.
Klinik kabugaran (Spa) cai panas aya di caketeun obyék wisata Sari Ater.
Curug Cijalu. Curug Cijalu aya di daerah Sagalahérang, mangrupakeun tujuan wisata alam curug nu mibanda pamandangan nu éndah, ngan hanjakal can dikelola kalayan serieus
Curug Ciléat nu aya di Kacamatan Cisalak, oge can dibebenah.

[édit] Tumbu Luar

(id) Ramatloka resmi, http://www.subang.go.id

Kabupatén jeung Kotamadya di Propinsi Jawa Kulon
Kabupatén: Bandung \| Bekasi \| Bogor \| Ciamis \| Cianjur \| Cirebon \| Garut \| Indramayu \| Karawang \| Kuningan \| Majalengka \| Purwakarta \| Subang \| Sukabumi \| Sumedang \| Tasikmalaya Kota (kotamadya): Bandung \| Banjar \| Bekasi \| Bogor \| Cimahi \| Cirebon \| Dépok \| Sukabumi \| Tasikmalaya
Baca ogé daptar kabupatén jeung kota di Indonésia

a·s·é Kabupatén Subang, Jawa Barat
Kacamatan: Binong \| Blanakan \| Ciasem \| Cibogo \| Cijambé \| Cikaum \| Cipeundeuy \| Cipunagara \| Cisalak \| Compréng \| Jalan Cagak \| Kalijati \| Legon Kulon \| Pabuaran \| Pagadén \| Pamanukan \| Patok Beusi \| Purwadadi \| Pusakanagara \| Sagalahérang \| Subang \| Tanjung Siang