Désa
Ti Wikipédia, énsiklopédi bébas
| Babagian administratif di Indonésia |
|---|
| Tingkat Propinsi |
|
Propinsi |
| Tingkat Kabupaten/Kota |
| Tingkat Kacamatan |
|
Kacamatan |
| Tingkat Kalurahan/Désa |
|
Kalurahan • Désa |
| Tempo ogé |
|
Dusun • Lingkungan |
| édit |
Désa, numutkeun définisi universal, nyaéta hiji aglomerasi pamukiman di aréa padesaan (rural). Di Indonésia, istilah désa nyaéta babagéan wilayah administratif di sahandapeun kacamatan, nu dipingpin ku Kapala Désa.
Ti saprak diberlakukeunnana otonomi daérah, istilah désa bisa disebut maké ngaran séjén, umpamana di Sumatra Barat disebut nagari, sedengkeun di Papua disebut kampung. Nya kitu ogé sagala istilah jeung institusi di désa bisa disebut maké ngaran séjén loyog jeung karakteristik adat istiadat désa éta. Hal ieu mangrupakeun salasahiji pangakuan jeung panghormatan Pamaréntah kana asal usul jeung adat istiadat satempat.
Daptar eusi |
[édit] Désa di Indonésia
Numutkeun Palaturan Pamaréntah Nomer 57 Taun 2005 ngeunaan Désa, disebutkeun yén désa mangrupakeun kasatuan masarakat hukum nu mibanda wates-wates wilayah, nu boga wewenang pikeun ngatur sarta ngurus kapentingan masarakat satempat, dumasar kana asal-usul jeung adat istiadat satempat nu diaku jeung dipihormat dina sistim Pamaréntahan Nagara Kasatuan Républik Indonésia.
Désa lain bawahan kacamatan, sabab kacamatan mah mangrupakeun bagian tina parangkat daérah kabupatén/kota, sedengkeun désa mah lain bagian tina parangkat daérah. Béda jeung Kalurahan, Désa leuwih lega hakna dina ngatur wilayahna sorangan. Tapi dina tuwuhna, hiji désa bisa ditingkatkeun statusna jadi kalurahan.
Kawenangan désa nyaéta:
- Nyelenggarakeun urusan pamaréntahan nu geus aya dumasar kana hak asal usul désa
- Nyelenggarakeun urusan pamaréntahan nu jadi kawenangan kabupatén/kota nu diserahkeun pangaturannana ka désa, nyaéta urusan pamaréntahan nu sacara langsung bisa ningkatkeun palayanan ka masarakat.
- Tugas pembantuan ti Pamaréntah, Pamaréntah Propinsi, jeung Pamaréntah Kabupatén/Kota
- Urusan pamaréntahan séjénna nu diserenkeun ka désa.
[édit] Pamaréntahan Désa
Désa ngabogaan pamaréntahan sorangan. Pamaréntahan Désa mangrupa Pamaréntah Désa (kaasup Kapala Désa jeung Parangkat Désa) sarta Badan Permusawarahan Désa (BPD)
[édit] Kapala Désa
- Artikel utama: Kapala Désa
Kapala Désa mangrupakeun pingpinan penyelenggaraan pamaréntahan désa dumasar kana kawijakan nu ditetepkeun babarengan Badan Pamusawarahan Désa (BPD). Lilana jabatan Kapala Désa nyaéta 6 taun, sarta bisa diperpanjang deui salila sakali mangsa jabatan. Kapala Désa ogé mibanda wewenang netepkeun Peraturan Desa nu geus meunang persetujuan babarengan jeung BPD.
Kapala Désa dipilih langsung ngaliwatan Pamilihan Kapala Désa (Pilkadés) ku pangeusi désa satempat. Umur minimal Kapala Désa nyaéta 25 taun, sarta Kapala Désa kudu berpendidikan paling handap SLTP, sarta mangrupakeun pangeusi désa éta.
[édit] Parangkat Désa
Parangkat Désa tugasna mantuan Kapala Désa dina ngalaksanakeun tugas jeung wewenangna. Salasahiji parangkat désa nyaéta Sekretaris Désa, nu eusina Pagawé Nagri Sipil. Sekretaris Désa diangkat ku Sekretaris Daérah Kabupatén/Kota atas nama Bupati/Walikota.
Parangkat Désa séjénna diangkat ku Kapala Désa ti antara pangeusi désa, nu ditetepkeun ngaliwatan Kaputusan Kapala Désa.
[édit] Badan Pamusawarahan Désa
- Artikel utama: Badan Pamusawarahan Désa
 |
Artikel ieu keur dikeureuyeuh, ditarjamahkeun tina basa Indonesia. Bantosanna diantos kanggo narjamahkeun. |
[édit] Babagéan Administratif
Wilayah désa bisa dibagi kana sababaraha dusun, nu mangrupakeun bagéan wilayah gawé pamaréntahan désa sarta ditetepkan maké peraturan désa.
