Laman Karibe
Di Wikipedia, e ensiklopedia liber
- E artíkulo aki ta skibí na papiamentu. Lo ta apresiá si por mantené e artíkulo aki na estilo di papiamentu.
E Laman Karibe (òf Laman Caribe) ta un laman tropikal pegá ku Oseano Atlántiko i zùit-ost di e Golfo di Mexico. E ta tuma gran parti di Plato Karibense i ta yega te Venezuela, Colombia i Panama den zùit, Costa Rica, Nicaragua, Honduras, Guatemala. Belize i e península di Yucatan di Mexico na parti wèst, i pa parti nort e islanan di Antias Mayor manera Cuba, Hispañola, Jamaica i Puerto Rico anto pa parti ost e Antias Menor.
E Laman Karibe ta un di e lamannan salu mas grandi na mundu i tin un area banda di 2.754.000 km² (1.063.000 mia²). E laman su punto mas hundu ta e Trinchera Cayman, entre Cuba i Jamaica, na 7.696 meter (25.220 pia) bou di nivel di laman.
E area kompletu di e Laman Karibe, espesialmente e islanan numeroso, ta konosí komo Karibe. E kosta di Sur Amérika i Amérika Sentral tin yen golfo i bahia, por ehèmpel e Golfo di Venezuela, Golfo di Darien i e Golfo di Honduras.
