Vigra
Frå Wikipedia – det frie oppslagsverket
Vigra er den største og nordlegaste av øyane i Giske kommune rett nord for Ålesund i Møre og Romsdal fylke. Ho var ei stund ein eigen kommune, og er rik på historie, med tradisjonar som seier at både Ragnvald Mørejarl og sonen Gange-Rolv var frå Vigra.
Innbyggjartalet på øya er i underkant av 2 000 (6 500 i Giske kommune). Største tettstaden er Roald, som ligg på austsida av øya.
[endre] Geografi
Vigra har eit flatemål på 20 kvadratkilometer, og er relativt flat med bare småfjell. Store delar av landet er myr, medan det finst høgdedrag i nord. Øya har kyst mot Vigrafjorden i nord og Gjøsund i sør.
Ålesund lufthamn er plassert midt på øya, og utgjør den viktigaste arbeidsgivaren. I tillegg til flyplassen er næringane på øya jordbruk, fiske og fiskeforedling. Vigra er forbundi til fastlandet via bru til Valderøy, som i sin tur er forbundi med undersjøisk tunnel (bomveg) til Ålesund via Ellingsøy.
Det høgaste naturlrge punktet er Molnesfjellet med 128 meter over havet. I tillegg driftar Norkring ein kringkastar på Synnes som er 180 meter høg. Masta, som delvis ligg i innflyginga til Ålesund lufthamn har det vore mye strid om, og han har tidlegare blitt bygd ned (frå 242 meter) for å vera mindre i vegen for flytrafikken.
[endre] Historie
Det er gjort rike funn av gravhaugar og busetnader frå jernalderen, og lokale stadnamn på øya stammar frå denne perioden.
Vigra var del av Haram herad fram til 1. januar 1890, da ho blei utskilt som eigen kommune, Roald herad. 1. januar 1919 blei namnet endra til Vigra herad, og i 1964 ble heradene Vigra og Giske slått sammen til Giske kommune.
