Leipzig
Frå Wikipedia – det frie oppslagsverket
Leipzig er den største byen i den tyske delstaten Sachsen.
[endre] Historie
Den første historiske omtalen av byen er frå 1050, då me høyrer om ei slavisk busetting som heitte Lipsk. Namnet er sorbisk og tyder lindetrestaden.
På grunn av tysk ekspansjon austover blei byen etter kvart ein av deira handelsstader, og fekk byrettar i 1165 av markgreven av Meissen.
Byen blei stygt skada av bombeåtak frå dei allierte under den andre verdskrigen. Medan det budde over 750.000 menneske i byen like før den andre verdskrigen, hadde folketalet sunke til 500.000 i 2002.
I 1989 byrja den fredelege revolusjonen mot DDR-styret i byen med såkalla Montagsdemonstrationen.
[endre] Kjende personar med samband til Leipzig
Leipzig har i mange århundre vore eit kultursentrum i Tyskland, noko ein merker på menneska som har vore innom byen. Filosofen Gottfried Leibniz og fleire musikarar frå Bach-familien verka eller var fødde her, mellom anna Johann Sebastian Bach. Martin Luther preika i byen.
Fleire nordmenn har søkt seg til Leipzig. Ei rekke norske komponistar, som Edvard Grieg, Christian Sinding, Eyvind Alnæs og Johan Halvorsen, studerte her. Av norske vitskapsmenn var Sophus Lie var professor i matematikk og Vilhelm Bjerknes i geofysikk ved Universitetet i Leipzig.
[endre] Verd å vitja i byen
- Det gamle rådhuset, bygga av Hieronymus Lotter på 1500-talet
- Det nye rådhuset
- Thomaskirche
- Nikolaikirche
- Völkerschlachtdenkmal (monument over folkeslaget)
- Universitetet
- Det tyske biblioteket
- Gohlisslottet
 |
Denne geografiartikkelen er ei spire. Du kan hjelpe Nynorsk Wikipedia å vekse seg stor og sterk gjennom å utvide han.
Sjå òg: Oversyn over geografispirer. |
