Heimevernet
Frå Wikipedia – det frie oppslagsverket
Heimevernet er ein norsk militsorganisasjon som vart oppretta av Stortinget den 6. desember 1946. Opprettinga bygde på dei erfaringane ein hadde gjort seg under den andre verdskrigen.
Heimevernet skal sikre mobiliseringa av totalforsvaret, overvake lokalområda og støtte forsvarsgreinane sine operasjonar, avdelingane skal med alle midlar påføre fienden størst mogeleg tap. Heimevernet skal bidra til å avverge eller begrense naturkatastrofer og andre alvorlege ulykker. Heimevernet skal støtte forsvarsgreinane og totalforsvaret i fred, krise og krig.
For å kunne løyse denne oppgåva er befal og soldatar i Heimevernet rekruttert lokalt, og dei har personleg utrusting, våpen og ammunisjon heime. Den lokale rekrutteringa i Heimevernet, god lokalkunnskap og rask mobiliseringstid vil kunne verta avgjerande for den totale forsvarsevna til landet. Avdelingane er forutsette å vere klare til aksjon innan 3-4 timer.
Heimevernet er i omstilling. Heimevernsstyrken er i dag på ca. 80 000 mann. Dette skal om lag halverast. Ein vil i tillegg dele mannskapet i tre kategoriar i ein pyramideform. Nokre vil få opp mot 20 øvingsdøger i året og ha svært kort responstid, medan fleirtalet vil ha svært lite øving og lengre responstid.
Det er i dag 18 HV-distrikt.:
- Østfold heimevernsdistrikt 01
- Stor-Oslo heimevernsdistrikt 02
- Telemark heimevernsdistrikt 03
- Akershus heimevernsdistrikt 04
- Østoppland heimevernsdistrikt 05
- Vestoppland heimevernsdistrikt 06
- Agder heimevernsdistrikt 07
- Rogaland heimevernsdistrikt 08
- Hordaland heimevernsdistrikt 09
- Fjordane heimevernsdistrikt 10
- Møre og Romsdal heimevernsdistrikt 11
- Sør-Trøndelag heimevernsdistrikt 12
- Nord-Trøndelag heimevernsdistrikt 13
- Sør-Hålogaland heimevernsdistrikt 14
- Nord-Hålogaland heimevernsdistrikt 15
- Troms heimevernsdistrikt 16
- Alta heimevernsdistrikt 17
- Varanger heimevernsdistrikt 18
Denne organisasjonen skal omleggast innan 2005.
