Ghee
Frå Wikipedia – det frie oppslagsverket
Ghee (Hindi घी ghī), eller klåra smør, er eit indisk mjølkeprodukt laga av bøffelsmør. Smøret er smelta og lète putra over lang tid til alle faste stoff legg seg på botnen av gryta. Så blir det silt og set til å svala. Etter det er blitt kjølt ned blir han putra og silt på nytt. Til sist får ein ei klar gul flytande væske med ei særmerkt lukt. Denne væska er ghee. Ghee kan også lagast av vanleg smør eller plantemargarin.
Ghee er mykje brukt i indisk mat. Han er brukt til å steika roti, samosa, grønsaker, og karri i nord-indisk mat. I sør-indisk mat blir han blanda med ris og karri rett før ein et dei.
Ghee er også brukt i hinduismen for å brenna offer. I dei gamle dagane brukte rike folk ghee for likbrenning, men det har blitt uvanleg no.
