Aten
Frå Wikipedia – det frie oppslagsverket
Aten er hovudstaden i Hellas, og ligg sørvest i landet. Byen er den største i Hellas, og har med kringliggjande bustadsområde rundt 3.700.000 innbyggjarar. Folketalet har vakse kraftig i dei siste tiåra, og Aten er prega av trafikkproblem og luftureining.
Aten er særleg kjend for si fortid som ein mektig bystat, og ruinane frå denne tida, Akropolis og især Parthenontempelet, er viktige fortidsminne og turistmål.
[endre] Historie
Aten kan vera oppkalla etter Atene, som var skytsgudinne for byen. Under den greske gullalderen, frå rundt 500 til 300 f. Kr., var Aten opphavsstad for kultur og filosofi som har prega mykje av vestleg samfunn sidan. Byen fortsette som eit rikt lærdomssenter heilt til seinromersk tid, då dei bysantiske keisarane blei kristne og dei filosofiske skolane stengde.
Aten mista innflytinga si og blei ein uviktig provinsby som bysantinarane og krossfarar slost om. Han blei erobra at Det osmanske riket i 1458. Ettersom riket fall saman til, forfall også byen. Stadig kriging om makta førte til at folketalet sank, og Aten var så godt som fråflytta då han vart teken som hovudstad for eit sjølvstendig Hellas i 1833.
I 1896 blei det første moderne OL arrangert i Aten, og i 2004 var byen igjen vert for leikane.
[endre] Bakgrunnsstoff
 |
Denne geografiartikkelen er ei spire. Du kan hjelpe Nynorsk Wikipedia å vekse seg stor og sterk gjennom å utvide han.
Sjå òg: Oversyn over geografispirer. |
