Waore Jezuskärke
Van Wikipedie
De Waore Jezuskärke (Chinees: 真耶穌教會) is rond 1900 as Chinese variant van de Pinkstergemeente van 't christendom ontstaon. De Waore Jezuskärke is een niet-confessionele (onofankelijke) kärke die in 1917 in Peking evestigd wönnen. De udige verkeuzen veurzitter van TJC Internationale Assemblazie is veurganger Yung-Ji Lin. Der bin wereldwied zwat 1,5 miljoen an-angers. De kärke wiest de Drie-ieneid of en beskouwt God en Jezus as ien en dezelfde.
Inholdsopgaove |
[bewark] De vuuf belangrieke doctrines
De 5 essentiële doctrines van de Waore Jezuskärke bint:
[bewark] 1. Eilige Geest
"'t Ontvangen van de Eilige Geest, waorvan bliek egeven wördt deur in tongen te spreken, is de waorbörge van onze bearving van 't Keuninkriek der emelen". (Rom 8:16, Eph. 1:13, 14).
[bewark] 2. Deup
"De deup deur wäter is 't sakrement veur de vergeving van zundes veur de wedergeboorte. De deup möt in netuurlijk wäter plääsvienen, zoas een revier, de zee of een bron. De deuper, die zelf a; edeupt is mit wäter en mit de Eilige Geest, voert de deup uut in de naam van den Eer Jezus Christus. De deupeling möt volledig in 't wäter onder-edompeld wörden, mit 't eufd ebeugen en 't gezichte ummeneer (Johannes 3:5; Matteüs 3:16; Aandelings 2:38, 10:48).
[bewark] 3. De voetwassing
't "sakrement van de voetwassing" stelt mensen in staot de ervaoring te delen mit Jezus. 't Dient ok as constante erinnering da-j liefde, eiliging, nederigeid, vergeving en dienstverlening neudigebt. Iederiene die de deup ondergaon ef möt zien of eur voeten laoten wassen in de naam van Jezus Christus. De wederziedse voetwassing kan uut-eoefend wörden as dat passend is. (Johannes 13:17)
[bewark] 4. Eucharistie
De Eilige Communie is 't sakrement um de dood van Christus te erdènken. Ierbi'j deelt je in 't vleis en 't bloed van den Eer, umda-w 't eeuwige lèven ebt en op de Leste Dag wörden op-ewekt. Dit sakrement wördt zoväke as meugelijk evierd. Allinnig ien ongedesemd brood en droevensap mag gebruukt wörden. (1 Korintiërs 10:17, 11:26; Johannes 6:53).
[bewark] 5. Sabbat
De Sabbat, de zeuvende dag van de weke (zaoterdag), is een Eilige Dag, e-eiligd deur God. De dag wördt onder Gods genaode evierd ter erdènking van de skepping en Zien redding in de oop op de eeuwige rust in 't iernaomaols.
 |
