Siasi moʻoni ʻa Sēsū
Mei he Wikipedia
Ko e Siasi moʻoni ʻa Sēsū ((True (Jesus Church)) pe Siasi ʻa Sēsū moʻonia ((True Jesus) church) ko e siasi tauʻatāina, naʻe fokotuʻu ia ʻi Beijing ʻi Siaina ʻi he taʻu 1917. ʻOku ʻi ai haʻane takilotu ʻe 1.5 miliona pe ofi ki ai ʻi he ngaahi fonua ʻe 40. Ko e siasi ko e huli fakasiaina mei he lotu Penitikosi fakakalisitiane naʻe hā mai lolotonga he kamataʻanga ʻo e taʻuteau hono 20. ʻOku lotokehekehe ʻa e siasi ki he Tokotolutapu, kae ʻoku muimui ia ʻa e akonaki ko Sīsū hono huafa. Talu mei he 2005 mo hono fokotuʻu ʻo e siasi ʻeni ʻi Tonga ni ʻe he kau muli mei ʻEsia hahake.
Ko e akonaki tuʻunga ʻe hongofulu ʻo e siasi:
- Laumālie māʻoniʻoni — ʻOku tui ʻe he siasi ko e “lea ʻi ʻelelo” ko e fakamoʻoni ia ʻo e tali ʻa e laumālie māʻoniʻoni.
- Papitaiso - ʻOku fakahoko ʻi he huafa ʻo e ʻeiki S.K., ko e ʻulu hanga hifo pea fakaukuʻi ʻi loto ʻo e vai moʻui mo e totonu.
- ʻOhomohe ʻa e ʻEiki
- Sāpate — ʻOku kehekehe mo e ngaahi siasi ʻe taha, ko hono Sāpate ʻoku ʻikai he ʻaho Sāpate ka he Tokonaki.
- Tafitafi vaʻe
- Sēsū Kilisitō
- Tohitapu - ʻOku ʻi ai ʻa e fuakava motuʻa mo e fuakava foʻou; ʻoku ueʻia ʻe he ʻOtua; mo e sīpinga ia ʻo e moʻui fakakalisitiane.
- Fakamoʻui — ʻoku ʻoatu ʻe he kelesi ʻo e ʻotua mei he tui.
- Lotu
- Fakamaau aofangatuku — ʻOku tui ʻa e siasi ʻe hoko ʻa e toe hāʻele mai ʻi he ʻaho fakaʻosi ʻe hifo ai ia mei langi ke fakamaau māmani. ʻE maʻu ʻa e moʻui taʻengata ʻe he kau angatonu, ʻe fakahalaiaʻi ʻa e kau angafulikivanu ʻi he taʻengata.
