जुलै २४

From Wikipedia

जून – जुलै – ऑगस्ट
सोम	मंगळ	बुध	गुरू	शुक्र	शनि	रवि
					१	२
३	४	५	६	७	८	९
१०	११	१२	१३	१४	१५	१६
१७	१८	१९	२०	२१	२२	२३
२४	२५	२६	२७	२८	२९	३०
३१	ई.स. २००६ ग्रेगरी दिनदर्शिका

जुलै २४ हा ग्रेगरी दिनदर्शिकेनुसार वर्षातील २०५ वा किंवा लीप वर्षात २०६ वा दिवस असतो.

अनुक्रमणिका

1 ठळक घटना आणि घडामोडी
2 जन्म
3 मृत्यू
4 प्रतिवार्षिक पालन

[संपादन] ठळक घटना आणि घडामोडी

[संपादन] तेरावे शतक

१२१६ - ऑनरियस तिसरा पोपपदी.

[संपादन] पंधरावे शतक

१४८७ - नेदरलँड्सच्या लीयुवार्डेन शहरातील नागरिकांनी परदेशी बीयरवरील बंदीविरुद्ध आंदोलन सुरू केले.

[संपादन] सोळावे शतक

१५६७ - मेरी क्वीन ऑफ स्कॉट्स पदच्युत. १ वर्षाचा जेम्स सहावा स्कॉटलंडच्या राजेपदी.

[संपादन] अठरावे शतक

१७०१ - आँत्वान दि ला मॉथ कॅडिलॅकने फोर्ट पॉन्ट्चारट्रेन ही दुकानवजा वसाहत स्थापन केली. याचेच पुढे डेट्रॉईट शहर झाले.

[संपादन] एकोणिसावे शतक

१८३२ - बेन्जामिन बॉनिव्हिलच्या नेतृत्त्वाखाली बैलगाड्यांचा पहिला तांडा वायोमिंगमधील घाट चढून रॉकी माउंटन्स पर्वतरांगेच्या पश्चिमेस पोचला. अमेरिकेच्या पश्चिमेकडील विकासातील ही महत्त्वाची घटना होती.
१८४७ - आयोवातून १७ महिने पश्चिमेकडे वाटचाल केल्यावर ब्रिगहॅम यंग व १४८ इतर मोर्मोन व्यक्ती सॉल्ट लेक सिटी येथे पोचले.
१८६६ - टेनेसी परत अमेरिकेत दाखल.

[संपादन] विसावे शतक

१९०१ - प्रसिद्ध अमेरिकन लेखक ओ. हेन्रीची बँकेतील पैश्यांच्या अपहाराबद्दलची ३ वर्षांची शिक्षा संपून सुटका.
१९११ - हायराम बिंगहॅम तिसऱ्याने पेरूतील माचु पिच्चु हे प्राचीन कालीन इंका संस्कृतीचे शहर शोधले.
१९१५ - ईस्टलँड हे प्रवासी जहाज शिकागो जवळ बुडाले. ८४५ मृत्युमुखी.
१९२३ - लॉसेनचा तह. तुर्कस्तानची सीमा ठरवण्यात आली.
१९३१ - पिट्सबर्ग येथे वृद्धाश्रमास आग. ४८ ठार.
१९४३ - दुसरे महायुद्ध - दोस्त राष्ट्रांच्या विमानांनी जर्मनीतील हॅम्बुर्ग शहरावर तुफान बॉम्बफेक सुरू केली.
१९६५ - व्हियेतनाम युद्ध - उत्तर व्हियेतनामने अमेरिकेचे लढाउ विमान पाडले.
१९६९ - सफल चांद्रमोहिमेनंतर अपोलो ११ हे अंतराळयान पॅसिफिक समुद्रात सुखरूप उतरले.
१९७४ - वॉटरगेट कुभांड - अमेरिकेच्या सर्वोच्च न्यायालयानेने निकाल दिला की राष्ट्राध्यक्ष रिचर्ड निक्सनने स्वतःविरुद्धचा पुरावा अवैधरीत्या दडवून ठेवला होता.