ഹനുമാന്‍
വിക്കിപീഡിയ, ഒരു സ്വതന്ത്ര വിജ്ഞാനകോശം.
രാമായണത്തിലെ ഒരു പ്രധാന കഥാപാത്രമായ വാനരനാണ് ഹനുമാന്‍. ഹൈന്ദവ വിശ്വാസമനുസരിച്ച് സപ്തചിരംജീവികളില്‍ ഒരാളുമാണ് ഹനുമാന്‍. രാക്ഷസരാജാവായ രാവണന്റെ തടവില്‍ നിന്നും രാമന്റെ ഭാര്യയായ സീതയെ കണ്ടെടുക്കാനുള്ള ദൌത്യത്തില്‍ രാമനു വേണ്ടി ദൂതു പോയതാണ് ഹനുമാന്‍ ചെയ്ത കൃത്യങ്ങളില്‍ പ്രധാനപ്പെട്ടത്. രാമ-രാവണയുദ്ധത്തില്‍ ദാരുണമായി മുറിവേറ്റ രാമന്റെ സഹോദരന്‍ ലക്ഷ്മണനെ സുഖപ്പെടുത്തുന്നതിനായി ഹനുമാന്‍ ഹിമാലയത്തിലേക്കു പറക്കുകയും, ഔഷധസസ്യങ്ങള്‍ നിറഞ്ഞ പര്‍വ്വതം വഹിച്ചുകൊണ്ട് തിരികെ വരികയും ചെയ്തു. സംശയാതീതമായ ദൃഢഭക്തിയുടെ ഉത്തമോദാഹരണമായി ഹനുമാന്‍ പരക്കെ അംഗീകരിക്കപ്പെടുന്നു. ഒരു വാനരരൂപത്തില്‍ ആരാധിക്കപ്പെടുന്ന ഇദ്ദേഹം, തന്റെ ശക്തികൊണ്ടും, രാമനോടുള്ള വിശ്വാസ്യതകൊണ്ടും ഹിന്ദു വിശ്വാസത്തില്‍ പ്രധാനപ്പെട്ടൊരു ദേവനായി അറിയപ്പെടുന്നു.
-
ഈ താള്‍ പൂര്‍ണ്ണമല്ല, ഇതു പൂര്‍ണ്ണമാക്കുവാന്‍ വിക്കിപീഡിയ സംരംഭത്തില്‍ പങ്കാളിയാവുക (ശ്രദ്ധിക്കുക: നവാഗതര്‍ക്ക് സ്വാഗതം, സഹായക താളുകള്‍)
