നങ്ങ്യാര്‍ കൂത്ത്
വിക്കിപീഡിയ, ഒരു സ്വതന്ത്ര വിജ്ഞാനകോശം.
കൂടിയാട്ടത്തില്‍ സ്ത്രീവേഷങ്ങള്‍ കെട്ടുന്നത് നങ്ങ്യാന്‍മാരാണ്.നങ്ങ്യാര്‍മാത്രമായി നടത്തുന്ന കൂത്താണ് നങ്ങ്യാര്‍ കൂത്ത്.ചാക്യാര്‍മാര്‍ക്ക് അംഗുലീയാങ്കം എങ്ങനെയോ,അതുപോലെയാണ് നങ്ങ്യാന്‍ മാര്‍ക്ക് ശ്രീകൃഷ്ണചരിതമെന്നുസാരം. അതിലെ കഥാപാത്രം ‘സുഭദ്രാധനഞ്ജയം നാടകത്തിന്‍റെ രണ്ടാമങ്കത്തിലെ ‘ചേടി’ (സുഭദ്രയുടെ ദാസി) ആ‍ണ്.ദ്വാരകാവര്‍ണന,ശ്രീകൃഷ്ണന്‍റേ അവതാരം,ബാലലീലകള്‍ എന്നിവയുടെ വര്‍ണന എന്നിവ തൊട്ട് സുഭദ്രയും അര്‍ജ്ജുനനും തമ്മില്‍ പ്രേമബദ്ധരാകുന്നതുവരെയുള്ള ഭാഗം ചേടി വിസ്തരിച്ച് അഭിനയിക്കുന്നു.ഇതിനിടയില്‍ ചേടിക്ക് പുരുഷന്മാരും സ്ത്രീകളുമായ പലകഥാപാത്രങ്ങളുമായും പകര്‍ന്നാടേണ്ടി വരുന്നു.
പണ്ടു പല ക്ഷേത്രങ്ങളിലും ‘അടിയന്തിര’മായി നങ്ങ്യാര്‍കൂത്ത് നടത്തിയിരുന്നു.ഇപ്പോള്‍ തൃശ്ശൂര്‍ വടക്കുന്നാഥ ക്ഷേത്രത്തില്‍ മാത്രം അഷ്ടമിരോഹിണിയോടനുബന്ധിച്ച് ഈ കൂത്ത് പതിവുണ്ട്.ശ്രീകൃഷ്ണചരിതം മുഴുവന്‍ അവതരിപ്പിക്കാന്‍ പഠിച്ചിട്ടുള്ള നങ്ങ്യാര്‍മാര്‍ ഒന്നോ രണ്ടൊ ഇന്ന് കാണാന്‍ സാധിക്കയുള്ളൂ.
