കല്ലില്‍ ക്ഷേത്രം
വിക്കിപീഡിയ, ഒരു സ്വതന്ത്ര വിജ്ഞാനകോശം.
ആദി ശങ്കരാചാര്യരുടെ ജന്മസ്ഥലമായ കാലടിയിലാണ് പ്രശസ്തമായ കല്ലില്‍ ക്ഷേത്രം. 9-ആം നൂറ്റാണ്ടില്‍ സ്ഥാപിച്ച കേരളത്തിലെ ഒരു പ്രശസ്തമായ ജൈന ക്ഷേത്രമാണ് കല്ലില്‍ ക്ഷേത്രം.
28 ഏക്കര്‍ വിസ്തീര്‍ണ്ണം ഉള്ള ഒരു സ്ഥലത്താണ് ക്ഷേത്രം സ്ഥിതിചെയ്യുന്നത്. ഒരു വലിയ പാറയുടെ മുകളില്‍ പണിത ഈ ക്ഷേത്രത്തില്‍ എത്തുവാന്‍ 120 പടികള്‍ കയറണം. ആലുവ-മൂന്നാര്‍ വഴിയില്‍ ഓടക്കളിയില്‍ നിന്ന് 2 കിലോമീറ്റര്‍ സഞ്ചരിച്ചാല്‍ ഈ ക്ഷേത്രത്തിലെത്താം. പെരുമ്പാവൂര്‍ നിന്നും 10 കിലോമീറ്റര്‍ അകലെയാണ് ഈ ക്ഷേത്രം. ചെങ്കോട്ടുകുന്നം ശ്രീ രാമദാസാശ്രമം ആണ് ഈ ക്ഷേത്രം നോക്കി നടത്തുന്നത്. മുന്‍പ് കല്ലില്‍ പിഷാരടി കുടുംബത്തിന്റെ ഉടമസ്ഥതയിലായിരുന്നു ഈ ക്ഷേത്രം.
ദുര്‍ഗ്ഗയാണ് ഈ ക്ഷേത്രത്തിലെ പ്രധാന പ്രതിഷ്ഠ. ബ്രഹ്മാവിന്റെ വിഗ്രഹം ഈ പാറമലയ്ക്കു മുകളില്‍ കൊത്തി ഉണ്ടാക്കിയിരിക്കുന്നു. ശിവനും വിഷ്ണുവിനും ഒപ്പം ബ്രഹ്മാവിനെയും ഇവിടെ പൂജിക്കുന്നു. ഉച്ചയ്ക്ക് പൂജയ്ക്കു ശേഷം നട അടക്കുന്നു. വൈകുന്നേരവും രാത്രികാലങ്ങളിലും ഇവിടെ പൂജ ഇല്ല.
എല്ലാ വര്‍ഷവും ക്ഷേത്രോത്സവം വൃശ്ചിക മാസത്തിലെ കാര്‍ത്തിക നാള്‍ മുതല്‍ എട്ടു ദിവസം നടത്തുന്നു. (നവംബര്‍-ഡിസംബര്‍ മാസങ്ങളിലാണ് ഇത്). ക്ഷേത്രത്തിലെ പ്രതിഷ്ഠയെ ഒരു പിടിയാനപ്പുറത്തിരുത്തി പ്രദക്ഷിണവും നടക്കുന്നു.
കല്ലില്‍ പിഷാരടിയുടെ ജൈനമത പിന്മുറക്കാരായ ഒല്ലി സമുദായാംഗങ്ങള്‍ ജൈന ദേവന്മാരായ പാര്‍ശ്വനാഥന്‍, മഹാവീരന്‍, പത്മാവതി ദേവി എന്നിവരെ ഇവിടെ ആരാധിക്കുന്നു.
[തിരുത്തുക] പുറത്തുനിന്നുള്ള കണ്ണികള്‍
 |
ക്ഷേത്രങ്ങളെക്കുറിച്ചുള്ള ഈ ലേഖനം അപൂര്‍ണമാണ്. ഇത് പൂര്‍ത്തിയാക്കി വിക്കിപീഡിയയെ സഹായിക്കുക. |
