Nirvana
Од Википедија, слободна енциклопедија
-
- Оваа статија се однесува на гранџ бендот Нирвана. За друго значење види Нирвана (појаснување).
Nirvana била популарна американска гранџ група, основана во 1987 година во Абердин, Вашингтон. Со нивната рокенрол химна „Smells Like Teen Spirit“ од албумот Nevermind, тие експлодираа во мејнстримот, популаризирајќи го новиот жанр во рокенролот наречен Гранџ од страна на фановите и медиумите. Заедно со нивните врсници од Сиетл, бендовите како што се Alice in Chains, Pearl Jam, и Soundgarden, гранџот станал доминантен во музиката во периодот од почетокот на 90-тите до некаде 1997 година.
Курт Кобејн (Kurt Cobain) од страна на медиумите бил опишуван како гласноговорник на една генерација, а неговиот бенд како знаменосци на „Генерацијата Икс“. Кобејн ја негирал таа позиција што му била доделена, и продолжил да се фокусира на музиката на својот бенд, издавајќи го нивниот албум In Utero. Иако мејнстрим популарноста на Нирвана беше во опаѓање, нивната најверна публика останала и понатаму верна. Краткиот излет на Нирвана заврши со смртта на Кобејн во 1994, но популарноста на бендот продолжила и по неговата смрт. Осум години по смртта на Кобејн, незавршена демо снимка која што бендот ја снимил во 1994, почнала да ги освојува топ листите во 2002 година. Од нивниот почеток, сè досега, тие имаат продадено преку 50 милиони плочи, вклучувајќи 10 милиони од Nevermind само во САД. Присутноста на Nirvana на радио листите останува непроменета.
[уреди] Почетоци
Кобејн и Крист Новоселич се запознале во 1985. Нивните интереси биле заеднички, The Melvins и формирање на бенд. Имаат работено со повеќе тапанари(вклучувајќи го Арон Буркхард (Aaron Burckhard) и Дејл Кровер (Dale Crover) од The Melvins, кој што има свирено на нивните први демоа), се
Во почетокот на 1990, бендот започнал да соработува со продуценотот Буч Виг (Butch Vig), со кого работеле на вториот албум. За време на сесиите, Курт и Крист сфатиле дека Чед не е оној тип на тапанар каков што им бил потребен, па така по завршувањето на сесиите тој бил пуштен од бендот. Дејл Кровер од The Melvins бил само краткотрајно решение, па така тие го ангажирале Ден Питерс (Dan Peters) од Mudhoney, со кого ја снимиле песната „Sliver“. Подоцна истата година, Баз Озборн (Buzz Osbourne) од The Melvins ги запознал со Дејв Грол (Dave Grohl), кој што бил во потрага по бенодт по неговото напуштање на хардкор-панк бендот Scream.
[уреди] Nevermind
По препорака на членот на Sonic Youth, Ким Гордон (Kim Gordon), Дејвид Гефен (David Geffen) ги донесува Nirvana во DGC Records во 1990, со што бендот го започнува својот прв албум спонзориран од голема издавачка куќа.Резултатот е Nevermind, кој што се смета за класика во рок музиката.
Бендот продолжува да работи на албумот заедно со Виг.Но наместо да снимаат во студиото на Виг, Madison, како што правеа во 1990, бендот се префрлува во Sound City Studios во Лос Анџелес (Los Angeles). Некои од песните, како што се „In Bloom“ и „Breed“, биле повеќе години присутни во репертоарот на бендот, додека другите, како што се „On a Plain“ и „Stay Away“, било потребно само да се додаде текст, за нивно финиширање.
Во завршните чекори на подготовките на албумот учествувал и Енди Волас (Andy Wallace), ко-продуцент на албумот на Slayer, Seasons in the Abyss, кој што бил повикан по инсистирање на Кобејн, откако го одбил учеството на луѓето од DGC.
Месеци по издавањето на албумот, Кобејн се жалел на медиумите дека Волас го направил Nevermind многи измазнет, иако тој е крив за неговото доведување да работи на албумот, заедно со нив. Иако бендот бил разочаран од албумот, за кој што сметале дека е премногу мек, Волас успешно го истемпирал инди рокот кој што бендот го практикувал и креирал мејнстрим рок албум кој што во следната деценија ке биде репер за успешен албум.
Првенствено, воопшто не очекувале Nevermind да се продаде во повеќе од 500,000 копии.Наместо тоа, албумот станал тројно-платинест (три милиони копии) во САД за помалку од 6 месеци. Заразната песна „Smells Like Teen Spirit“ била постојано пуштана на MTV, со што се појавиле куп на имитатори на стилот на Нирвана со што го донеле гранџот во мејнстримот. За популарноста на алтернативниот рок, како и изумирањето на глам металот, се вели дека е заслужен албумот Nevermind. Во јануари 1992, албумот го достигнува првото место на Билборд 200 топ листата, со што го симнува Мајкл Џексон со неговиот албум Dangerous, момент кој што се вели дека го симболизира покорувањето на поп музиката од страна на алтернативниот рок.
Во февруари 1992, по Австралиската турнеја, Кобејн се венча со Кортни Лав (Courtney Love) на Хаваите.Во Август се раѓа керкичката Френсис Бин (Frances Bean). Неколку дена по раѓањето на Frances Bean, Nirvana настапува на еден од нивните најпознати концерти како главни изведувачи на Reading Festival. Кобејн се појавува на сцена во инвалидска количка на шега. Дејв Грол бил исплашен дека настапот ќе биде катастрофален со оглед на тоа дека немале проба веќе 6 месеци, но на изненадување на сите, Нирвана го пружила нивниот најдобар настап досега.
