Donald Knuth
Van Wikipedia
- Dit artikel is gesjreve in 't Valkebergs. 't Weurt gewaardeerd óm in dit artikel woe meugelik 't Valkebergs aan te hawte.
Donald Ervin Knuth (10 januari 1938) ies 'ne Amerikaanse informaticus. Hae ies tegewoordig emeritus-hoagleraar aan Stanford University. Knuth haet veur zien werk väöl pries gekrege.
Hae ies veural bekènd gewore door zien serie beuk The Art of Computer Programming en door 't creëre van de opmaaktaal TeX (dit sjpriek me oet es /tɛx/). TeX vulde hae aan mèt 't programma Metafont, dat lèttertypes kènt generere en aanpasse.
Knuth óntwiekkelde ouch 't concep van literate programming, woabie in de programmacode neet allein de instructies veur de computer, meh ouch de volledige documentatie veur 't programma weurt opgenómme.
[bewirk] Biografie
Knuth woort gebore in Milwaukee, Wisconsin. Hae sjtudeerde wiskunde aan 't Case Institute of Technology (tegewoordig Case Western Reserve University). In 1963 promoveerde hae aan 't California Institute of Technology, woa hae docent woort en begoes mèt zien serie The Art of Computer Programming. In 1968 versjeen 't ièrsjte deil hievan. In 'tzelfde jaor góng hae wèrke aan Stanford.
Rónd 1970 waor hae zoa óntevrae euver de meneer woa-op zien beuk gezat woorte, dat hae begoes mèt 't óntwiekkele van e programma daoveur. Dit woort oeteindelik TeX. In 1992 góng hae mèt emeritaat um ziech te kènne concentrere op The Art of Computer Programming. Hae ies noe bezig mèt deil 4 van dees serie.
