Djiboeti
Van Wikipedia
- Dit artikel is gesjreve in 't Mestreechs. 't Weurt gewaardeerd óm in dit artikel woe meugelik 't Mestreechs aan te hawte.
| Djiboeti | |
 |
 |
 |
|
| Officieel taol | Arabisch, Frans |
| Hoofstad | Djibouti |
| Staotsvörm | Rippebliek |
| Staotshoof | Ismail Omar Guelleh (sins 1999) |
| Groondgebeed % water |
23.200 km² 0,08% |
| Inwuners | 767.000 miljoen |
| Munt | Euro (EUR) |
| Tiedzaone | UTC +3 |
| Nationale fiesdaag | 27 juni |
| Volkshymne | Hinjinne u sara kaca |
| Landcode | DJI |
| TLD | .dj |
| Tillefoon | +253 |
Djiboeti of Djibouti (officieel (Arabisch) جمهورية جيبوتي; (Frans) République de Djibouti) is e land in oostelik Afrika. 't Ligk te weste vaan de Roej Zie en grens in 't weste en zuide aon Ethiopië, in 't noorde aon Eritrea en in 't zuidooste aon Somalië. Bovedeen ligk Jeme 20 kilometer oet de kös. Hoofstad is Djibouti-stad, boe de mierderheid vaan de bevolking woent. Oondanks ziene geringen umvaank kint 't land groete huugde versjèlle: 't laogste punt is de spegel vaan 't Assalmeer (155 meter oonder zienivo), 't hoegste punt is de Moussa Ali-berg (2028 m.).
[bewirk] Administratief indeiling
Djiboeti is ingedeild in zes cercles (distrikte):
- Arta
- Ali Sabih
- Dichil
- Djibouti
- Obock
- Tadjoura
[bewirk] Demografie
De twie veurnaomste etnische grope zien de Issa (Somaliërs) en de Afar, good veur 60 resp. 35 percint. De res weurt veural door Europeane, Arabiere en Ethiopiërs oetgemaak. Bei grope zien stèrk geïslamiseerd en leve traditioneel in oonvrei mètein.
[bewirk] Historie
Allewel tot Djiboeti in 't verleie door diverse volker bewoend moot zien, leve de Issa en de Afar al sins minseheugenis op Djiboetiaanse bojem. Door de kortbijheid vaan Egypte, Nubië en Arabië kaome dees volker väöl mèt de besjaving in aonraoking, boevaan ze daan ouch väöl euvernaome. Zoe gónge ze al hiel snel op d'n islam euver.
In de negentiende iew woort 't gebeed door Ethiopië behiers, meh door versjèllende Europees expedities en de eupening vaan 't Suezkenaal in 1869 naom op de Roejzieköste de invlood vaan de Europeane touw. In 1884 en 1885 woorte e paar gebejer vereuverd, die de Franse vereinegde in 't Protectoraot Frans Somaliland. In 1897 lagte de Franse en de keizer vaan Ethiopië de grenze vas. In datzelfde jaor begós d'n aonlag vaan 'ne spoerweeg vaan Djibouti nao Addis Abeba.
In d'n Twiede Wereldoorlog stoont Djibouti in 't begin aon de kaant vaan 't Frankriek vaan Vichy, meh ind 1942 woort 't door de Britte bezat. Nao d'n oorlog begóste, zjus wie in aander kolonies, discussies euver oonaofhenkelikheid en ander statusse. In 1967 woort de naom veranderd in Territoire des Afars et Issas. In 1977 koos de bevolking in e referendum veur de oonaofhenkelikheid. Sins 1981 is 't land formeel 'n dictatuur.
| Len in Afrika |
|---|
| Algerieë | Angola | Benin | Boeroendi | Burkina Faso | Centraal Afrika | Comore | Djiboeti | Egypte | Equatoriaal Guinee | Eritrea | Ethiopië | Gabon | Gambia | Ghana | Guinee | Guinee-Bissau | Ivoorkös | Kaapverdië | Kameroen | Kenia | Kongo (Brazzaville) | Kongo (Kinshasa) | Lesotho | Liberia | Libië | Madagaskar | Malawi | Mali | Marokko | Mauretanië | Mauritius | Mozambiek | Namibië | Niger | Nigeria | Oeganda | Roeanda | São Tomé en Príncipe | Seisjelle | Senegal | Sierra Leone | Soedaan | Somalië | Swaziland | Tanzania | Togo | Tsjaad | Tunesië | Westelike Sahara1 | Zambia | Zimbabwe | Zuud-Afrika |
| Aafhenkelike gebejer: Azore | Canarische eilen | Ceuta | Madeira | Mayotte | Melilla | Réunion | Sint-Helena |
| 1. Sins 1979 door Marokko bezat. |
