Konsdref

Vu Wikipedia, der fräier Enzyklopedie.

Konsdref

An anere Sproochen

fr.: Consdorf
de: Consdorf

Gemeng

Konsdref

Buergermeeschter

Gilbert Schmit

Kanton

Iechternach

Awunner

Fläch

Awunner (Gemeng)

1.748

Fläch (Gemeng)

2572 ha

Uertschaften - Gemengen - Stied

Konsdref ass eng vun den 116 Lëtzebuerger Gemengen.

D'Kierch vu Konsdrëf

Inhaltsverzeechnes

1 Uertschaften an der Gemeng
2 Geographie
3 Geschicht
4 Kuckeswäertes
5 Linken
- 5.1 Kuckt och
- 5.2 Um Spaweck

[Änneren] Uertschaften an der Gemeng

Alrodeschhaff
Créispent de: fr: Crispent)
Kolwent (fr: Colbette)
Konsdref (de: Consdorf)
Marscherwald (de: Marscherwald)
Präitler (de: Breidweiler)
Scheedgen (de: Scheidgen)
Wuelper

[Änneren] Geographie

D'Gemeng Konsdref (orange) am Kanton Iechternach (rout)

Konsdref läit op ca. 350 m, am Oste vum Lëtzebuerger Land, am Kanton Iechternach, am Zentrum vun der Klenger Lëtzebuerger Schwäiz. D'Gemeng ass ëmzéngelt vu Bäerdref am Norden, Bech a Jonglënster am Süden, Hiefenech a Waldbëlleg am Westen an Iechternach am Osten.

[Änneren] Geschicht

Prähistoresch a réimesch Découvertë loossen drop schléissen, datt Konsdref an engem ale Sidlungsgebitt läit. Konsdref gëtt a verschiddenen Dokumenter aus dem éischte Jordausend schonn ernimmt: 816 als "Cunolphi Villa", 953 als "Conolfi Villa". Am Mëttelalter fanne mer d'Bezeechung "Costurf". D'Uertschaft huet zum eelste Besëtz vun der Tréierer Abtei Oeren gehéiert an ass bis zur Franséischer Revolutioun Zentrum vun der Oerener Grondherrschaft an deser Géigend. D'Existenz vun enger Parkierch zu Konsdrëf ass réischt 1229 nozeweisen, mee Historiker datéieren den Ursprong vun der Par Konsdref ëm d'Joer 700.

[Änneren] Kuckeswäertes

Kuckenswäert ass ënner anerem d'Parkierch aus dem 18. Joerhonnert mat hirem goteschen Tuerm aus dem 12./13. Joerhonnert an dem Altor mat der Bartholomäus-Staue. Konsdref läit an der Klenger Lëtzebuerger Schwäiz, bitt eng ganz Rei vu flotte Promenaden duerch d'Bëscher, mat villen Aussiichtspunkten (op de Sauerdall an de Mëllerdall) an zitt dofir virun allem am Juli/August eng ganz Rëtsch vun Touristen un. D'Géigend zeechent sech besonnesch duerch aussergewéinlech Fielsformatiounen aus, duerch déi d'Spadséierweeër deelweis derduerch féieren (z.B. d'"Kuelscheier" oder d'"Goldfralay").