ჰაჯიბეკოვი, უზეირ

ვიკიპედიიდან

ჰაჯიბეკოვი, უზეირ აბდულ ჰუსეინ-ოღლუ(* 5 სექტემბერი, 17 სექტემბერი, 1885, სოფ. აღჯაბადი, შუშის მახლობლად ― † 23 ნოემბერი, 1948, ბაქო), აზერბაიჯანელი კომპოზიტორი და საზოგადო მოღვაწე, სსრკ სახალხო არტისტი (1938), აზერბაიჯანის მეცნიერებათა აკადემიის აკადემიკოსი (1945); სკკპ წევრი 1938-იდან. აზერბაიჯანის პროფესიული მუსიკის ფუძემდებელი. სწავლობდა მოსკოვის ფილარმონიული საზოგადოების სამუსიკო კურსებზე და პეტერბურგის კონსერვატორიაში (1914). ჰაჯიბეკოვის პირველმა ოპერამ "ლეილი და მაჯნუნი" (1908) საფუძველი ჩაუყარა მუღამური ოპერის ჟანრს აზერბაიჯანულ მუსიკაში. მასვე ეკუთვნის ოპერები: "ასლი და ქერემი" (1912), "შაჰ აბასი და ხურშიდ ბანუ" (1912, ორივე მუღამური), აგრეთვე მისი შემოქმედების მწვერვალი ოპერა "ქოროღლუ" (1937, სსრკ სახელმწიფო პრემია, 1941); ოპერეტები: "ცოლი და ქმარი" (1900), "ეს თუ არა, ის" (1910), "არშინ მალ ალან" (1913, ამავე სახელმწიფო ფილმისათვის სსრკ სახელმწიფო პრემია, 1946). ჰაჯიბეკოვი ეწეოდა პედაგოგიურ მოღვაწეობას, 1938-1948 იყო აზერბაიჯანის კონსერვატორიის (ჰაჯიბეკოვის სახელობისაა 1949-იდან) პროფესორი და დირექტორი. 1931 ჩამოაყალიბა ხალხურ საკრავთა ორკესტრი, 1936 - სახელმწიფო გუნდი. 1945-იდან ხელმძღვანელობდა აზერბაიჯანის მეცნიერებათა აკადემიის ხელოვნების სამეცნიერო-კვლევით ინსტიტუტს. ჰაჯიბეკოვს ეკუთვნის აგრეთვე კანტატა "სამშობლო და ფრონტი", რომანს-ღაზალების ნიზამის ლექსებზე: "სენსიზი" ("უშენოდ") და "სევგილი ჯანანი" ("სატრფო"). ჰაჯიბეკოვი ავტორია აზერბაიჯანის სახელმწიფო ჰიმნისა (1945), სსრკ I და II მოწვევების უმ8აღლესი საბჭოს დეპუტატი. დაჯილდოებულია ლენინის ორდენით, შრომის წითელი დროშის ორდენითა და მედლებით.

Retrieved from "http://ka.wikipedia.org../../../%E1%83%B0/%E1%83%90/%E1%83%AF/%E1%83%B0%E1%83%90%E1%83%AF%E1%83%98%E1%83%91%E1%83%94%E1%83%99%E1%83%9D%E1%83%95%E1%83%98%2C_%E1%83%A3%E1%83%96%E1%83%94%E1%83%98%E1%83%A0.html"

კატეგორიები: აზერბაიჯანელები | დაბადებული 1885 | გარდაცვლილი 1948

ჰაჯიბეკოვი, უზეირ

ვიკიპედიიდან

Views

ნავიგაცია

ძიება

სხვა ენებზე