ჩხარტიშვილი, გრიგოლ

ვიკიპედიიდან

ბორის აკუნინი

ბორის აკუნინი (ნამდვილი სახელი და გვარი გრიგოლ შალვას ძე ჩხარტიშვილი) (* 20 მაისი, 1956, თბილისი) – მწერალი, იაპონისტი და მთარგმნელი. მხატვრულ ნაწარმოებს აქვეყნებს ბორის აკუნინის ფსევდონიმით.

სექციების სია

1 ბიოგრაფია
2 შემოქმედება
3 ეკრანიზაცია
4 რესურსები ინტერნეტში

[რედაქტირება] ბიოგრაფია

დაიბადა 1956 წლის 20 მაისს საქართველოში. 1958 წლიდან ცხოვრობს მოსკოვში (რუსეთი). დაამთავრა მოსკოვის აზია–აფრიკის ქვეყნების ინსტიტუტის ინტორიულ–ფილოლოგიური განყოფილება. გააჩნია იაპონიათმცოდნის დიპლომი. აწარმოებდა ლიტერატურულ თარგმანს ინგლისური და იაპონური ენებიდან რუსულზე. ჩხარტიშვილის თარგმანით გამოცემულია შემდგომი ავტორების ნაწარმოებები: იუკიო მისიმა, კენძი მარუიამა, მასაჰიკო სიმადა, კობო აბე, ცინიიტი ჰოსი, ტაკეში კაიკო.

მუშაობდა ჟურნალ «Иностранная литература»–ს მთავარი რედაქტორის მოადგილედ (1999-2000). მისი მთავარი რედაქტორობით გამოიცა 20 ტომეული "იაპონური ლიტერატურის ანთოლოგია".

1998 წლიდან გრიგოლ ჩხარტიშვილი ლიტერატურულ შემოქმედებას ეწევა ფსევდონიმით ბორის აკუნინი. იაპონურ სიტყვას აკუნინი (იაპ. 悪人) ქართულში ზუსტი შესატყვისი არ მოეძებნება. მიახლოებით ითარგმნება როგორც "ბოროტი ადამიანი", "ადამიანი რომელიც კანონს არ იცავს". კრიტიკულ და დოკუმენტურ შრომებს აქვეყნებს ნამდვილი სახელითა და გვარით.

ნამდვილი პოპულარობა მწერალს მოუტანა ისტორიულ–დეტექტიური რომანების სერიამ ერასტ ფანდორინზე.