Wong Madura
Saka Wikipédia, Ènsiklopédhi Bébas ing basa Jawa / Saking Wikipédia, Bauwarna Bébas mawi basa Jawi
Wong Madura ing Indonesia cacahe kira-kira ana 15 yuta. Asale urip ing Pulo Madura lan pulo-pulo saindhengane, kayata Gili Raja, Pulo Sapudi, Pulo Raas lan Kangean. Saliyane iku, wong Madura urip ing wetaning Jawa Wetan, kayata mila pinggir segara saka Surabaya nganthi Banyuwangi. Wong Madura ing Situbondo lan Bondowoso, lan wetane Probolinggo cacahe paling akeh, lan ora ana sing bisa Basa Jawa.
Wong Madura uga urip ing Kalimantan, sing tas ana konflik lan rajapati ing Sampit lan Sambas. Wong Madura dhasare wong sing seneng ngranto, karna kahanan tlatahe sing ora becik kanggo tani. Wong Madura seneng dhodholan lan dominan ing pasar-pasar. Saliyane iku akeh sing nyambut dhadi pengepule wesi-wesi tuwa lan barang-barang rombeng liyane.
Wong Madura misuwur karna sipate sing keras, gampang nesu, nanging gemi lan sregep ing penggawean. Kanggo minggah Kaji, wong Madura sanajan mlarat mesti nglumpukake pangasilane (najan sethithik) kanggo simpenan kaji. Saliyane iku wong Madura diweruhi ndhuwe tradisi Islam sing medhok, sanajan kadang nglakoni Pethik Laut utawa Rokat Tasse (padha karo Larung Sesaji).
Harga diri, uga paling penting ning uripe wong Madura, dheweke ndhuwe paribasan Lebbi Bagus Pote Tollang, atembang Pote Mata. Artine, luwih becik mathi ketimbang kewirangan. Tradisi carok uga asale saka sipat iku.
- Balik ing : Madura utawa Kaca Utama
