Stella
De Wikipedia, le encyclopedia libere
[modificar] Definition
Un stella [stél-la] es un sphera de plasma in equilibrio hydrostatic que genera energia in su interior pro medio de fusion thermonuclear. Le energia generate radia al spatio in forma de radiation electromagnetic e neutrinos.
Un grande parte de lo cognoscite super le stellas veni ab le studio del nebulosas. Le stellas nasce in nebulosas como le Nebulosa de Orion durante que alteres como le Nebulosa del Cancere son le restos de un stella que ha explodite. Quando un stella mori devolve le material que lo forma al spatio interestellar. Isto include elementos pesante que plus tarde formara nove stellas o planetas.
Multe stellas son attrahite gravitationalmente a altere stellas formante systemas binari. Le stellas non son distribuite uniformemente in le universo, ma, typicamente, son aggruppate in galaxias. Un galaxia gigante typic (como le nostre) contine centos de milles de milliones de stellas.
Le Sol es considerate un stella prototypic, non proque illo es special in alicun senso, ma proque illo es le plus proxime al Terra e per lo tanto le plus studiate. Le majoritate del characteristicas del stellas es mesurate in unitates solar. Per exemplo, le massa del Sol es:
- Msol = 1.9891 × 1030 kg
Le massas del altere stellas son date in Msol.
Le evolution stellar explica como le stellas se crea e mori.
Il ha differente classificationes de stellas que va desde le typo O (multo grande e luminose) usque al typo M (le qual, frequentemente, es justo sufficientemente grande pro provocar le fusion del hydrogeno).
Recentemente on ha characterisate le typos L e T.
Le classification es (de plus massive a minus): O, B, A, F, G, K, M, L, T
Le Sol es del typo G2.
Le composition chimic de un stella varia de stella a stella, ma quando comencia su vita un stella como le sol es approximatemente 75% hydrogeno, 23% helium e le 2% restante son elementos plus pesante como potassium, carbon, oxygeno, aluminium, sodium, sulfure, ferro, inter alteres.
[modificar] Vider tamben
- Galaxia
- Sol
- Systema solar
