Dansa
De Wikipedia, le encyclopedia libere
DANSA {s} [dán-sa]
Tabula de contento |
[modificar] Exegese
Le dansa es le arte consistente in exprimer se per medio de movimentos del corpore al rhythmo de musica. Le dansa ha formate parte del historia del humanitate desde le principio del tempores.
Nos trova le prime antecedentes in le picturas de cavernas. Le historia del dansa reflecte le cambios in le relationes del populo con respecto a su cognoscentia del mundo, e mitte lor corpores e experientias in relation con le cyclos del vita.
[modificar] Le dansa in le Antiquitate
- In le antique Egypto, le dansas ceremonial esseva instituite per le pharaones. Iste dansas, que culminava in ceremonias representante le morte e le reincarnation del deo Osiris, deveniva cata vice plus complexe usque le puncto que illos solo poteva esser executate per dansatores professional altemente qualificate.
- Circum Dyoniso, le deo grec del vino (cognoscite tamben como Bacco), gruppos de feminas, appellate menades, iva de nocte al montanias ubi, sub le effectos del vino, illas celebrava lor orgias con dansas extatic. Iste dansas includeva, eventualmente, musica e distincte figuras del mythologia classic que esseva representate per actores e dansatores intrainate. A fin del seculo V ante Christo iste dansas comenciava a formar parte del scena social e politic del antique Grecia.
- Inter le romanos, le acceptation del dansa per parte del poteres public decadeva. Le christianisation del Imperio Roman introduceva un nove era in le qual le corpore, le sexualitate e le dansa esseva reguardate como unite e esseva objecto de controversia e conflictos.
[modificar] Le dansa in le Medievo
- Le attitude del ecclesia catholic circa le dansa, a partir del seculo IV e durante tote le Medievo esseva ambivalente.
- Per un latere nos trova le rejection del dansa como catalysator del permissivitate sexual, lascivie e extase per leaders del ecclesia como Sancte Agustino (354-430), cuje influentia continuava durante tote le Medievo. Per altere latere, antiques Patres del ecclesia tentava incorporar le dansas proprie del tribos del nord, Celtas, Anglosaxones, Gallos.. in le cultos christian.
[modificar] Le Renascentia e le nascentia del Ballet
- Le advento del Renascentia apportava un nove attitude circa le corpore, le artes e le dansa. Le cortes de Italia e de Francia se converteva in le centro de nove disveloppamentos in le dansa gratias al maestros del dansa e al musicos que creava grande dansas a scala social que permitteva le proliferation del celebrationes e festivitates. Al mesme tempore le dansa se converteva in objecto de studios serie, e un gruppo de intellectuales que se nominava le Pleyade travaliava pro recuperar le theatro del antique grecos, combinante le musica, le sono e le dansa.
- In le seculo XIX, le era del ballet romantic reflecteva le culto del ballarina e le lucta inter le mundo terren e le mundo spiritual que transcende le terra, exemplificate in obras como: Giselle (1841), Swan Lake (1895), Rumpenoces (1892)
[modificar] Le dansa in le seculo XX
- Post le Prime Guerra Mundial, le artes in general questionava le valores establite e cercava nove formas de reflecter le expression individual e un cammino del vita plus dynamic. In Russia surge un renascentia del ballet propitiate per le plus brillante choreographos, compositores, artistas visual e designatores. In iste movimento collaborava autores como: Ana Pavlov, Claude Debussy, Stravinsky, e Pablo Picasso.
- Parallelmente al revolution del Ballet surgeva le prime manifestationes del dansas moderne. Como reaction al stilisate movimentos del ballet e al emancipation progressive del femina surgeva un nove forma de dansar que confereva poter al expression libere. Un del pioneras de iste movimento esseva Isadora Duncan. A mesura que le dansa ganianva terreno, illo rumpeva tote le regulas.
- Desde le annos '20 usque nostre dies, nove libertates in le movimento del corpore esseva le detonantes del cambio del attitudes circa le corpore. Le musica con influentias latin, african e caribe inspirava le proliferation del salas a dansar e del dansas como le rumba, le samba, le tango o le cha cha. Le renascer del Harlem propitiava le apparition de altere dansas como le lindy-hop o le jitterbug. Desde le annos '50 surgeva nove dansas plus individualista como le rock and roll, le twist e le si-nominate free-style; depois appareva le disco dancing, le breakdancing...
