Vignesie
De Vichipedie, la enciclopedie libare dute in marilenghe.
Vignesie (par talian Venezia) e je il cjâf lûc de regjon dal Venit e de omonime provincie. E je une citât di 271.251 abitants, che e je logade in part su isulis inte lagune di Vignesie, in part su la tiereferme (in particolâr lis frazions di Mestre e Marghera). La citât e dute la lagune a son stadis declaradis patrimoni mondiâl de umanitât di bande dal UNESCO tal 1979.
[cambie] Storie
Secont la leiende, Vignesie e nas cuant che par vie de vignude inte Penisule taliane dai Langobarts, tal 568, la int bandone lis citâts, che a son oramai simpri mancul siguris, e cîr un puest plui bon par vivi, par esempli lis isulis; chest al sucêt ancje in Friûl, dulà che la int che scjampe di Acuilee si trasferìs su la isule di Grau.
In chestis zonis une presince umane e jere probabilmentri plui antighe; sta di fat che cul timp, cualchidun al tornà su la tiere, altris si stabilirin su lis isulis e deventarin pescjadôrs o marinârs; cul timp la citât deventà simpri plui grande e rispietade ator pal Adriatic e ancje plui lontan, fin a deventà la Serenissime republiche venete.
[cambie] Vignesie vuê
In zornade di vuê, Vignesie e à pierdût un grum di impuartance; e reste la capitâl de regjon, ma la popolazion tal centri storic e je in continue diminuzion, cuntun aument invezit a Mestre e Marghera, che a son deventâts impuartants centris dal terziari e de industrie. Il stes ambient de lagune al è in pericul, par vie dal incuinament, de erosion causade da lis ondis e v.i.
