Miguel Indurain

Wikipedia(e)tik

Miguel Indurain 1996 prentsaurreko batean

Miguel Indurain Larraya (Atarrabia, 1964ko uztailaren 16a -) txirrindulari nafarra da, historiako kirolari onenen artean sailkatua. Frantziako Tourra bost urtez jarraian irabazi zuen (1991tik 1995era) eta Italiako Giroa bitan (1992 eta 1993).

1992an Kiroletako Asturiasko Printzearekin saritua izan zen.

[aldatu] Biografia

1984an egin zen txirrindulari profesional Reynolds taldearekin kontratua sinatzean. Aurretik zortzi urtez Villaves taldean aritua zen kategoria apalagoetan. Lehen urten honetan Los Angeleseko joko olinpikoetan parte hartu zuen eta hamar garaipen lortu zituen.

1985ean lehen aldiz Frantziako Tourrean parte hartu zuen eta Espainiako Vueltan lider izan zen lau egunez.

Hurrengo urteetan Frantziako Tourrean bere ekipokide zen Pedro Delgado laguntzen aritu zen, 1988ko txapelduna. 1989an Paris-Niza irabazten zuen lehen euskalduna izan zen eta bere tourreko lehen etapa garaipena lortu zuen.

Bere lehen Frantziak Tourra 1991ean iritsi zen erlojuaren aurkako bi etaoa garaipen lortu ondoren. Aurretik Espainiako Vueltan bigarren postua lortu zuen. 1992an etapakako bi bira handiak (Frantziako Tourra eta Italiako Giroa), irabazi zituen, Italiako Giroa irabazten zuen lehen euskalduna izanez. Gauza bera lortu zuen 1993an.

Miguel Indurain 1996ko L'Hospitaleteko kriteriumean

1994an Tourra irabazi zuen laugarrez aldiz jarraian, baina Italiako Giroan Eugeni Berzin Errusiarrak garaitu zuen. Urte bereko Irailan ordu errekorra lortu zuen, Chris Boardmanek zuen aurrekoa gaindituz eta berria 53.040 kmtan utziz. Froga honetarako Espada izeneko bizikleta iraultzaile eta modernoa erabili zuen. Hala ere, hilabete geroago Tony Rominger Suitzarrak marka hobetu zuen. 1995.en urtean bere azken Frantziako Tourra (bosgarrena jarraian) eta munduko erlojupeko txapelketa irabazi zituen.

Bere azken denboraldian ez zuen lortu bere nahi nagusia zen seigarren Tourra irabazterik eta hamaikagarren postuan geratu zen. Atlantan jokatutako joko olinpikoetan erlojupeko proban urrezko domina lortzen du. Bere azken lasterketa Espainiako Itzulia izan zen, non, erretiratzen amaitu zuen.

1997ko Urtarrilaren 2an bere erretirada argitaratu zuen publikoki.

[aldatu] Palmaresa

Frantziako Tourra 1991tik 1995era
Italiako Giroa 1992 eta 1993an
Txirrindularitzako munduko txapelketa:
- Proba lineala: Hirugarren postua 1991 eta zilarrezko domina 1993 eta 1995ean.
- Erlojupeko proba: Urrezko domina 1995ean.
Urrezko domina 1996ko Joko Olinpikoetako erlojupeko proban.