Kaozeadenn Implijer:Yun

Diwar Wikipedia, an holloueziadur digor

Trugarez evit bezañ brezhonekaet skeudennoù ar pennad ezklozadur. Penaos ac'h eus graet ? un toullad kartennoù all a garfen treiñ met n'ouzon ket penaos en em gemer. Fulup 30 Aug 2005 à 10:45 (UTC)

Pellgarget em eus paint shop pro. Penaos e vez graet evit diverkañ ar pezh zo skrivet hep diverkañ ar foñs ? Ha goude evit skrivañ rik heñvel met en ur yezh all ? Fulup 31 Aug 2005 à 16:07 (UTC)

Trugarez dit ivez evit da alioù war Paint shop. N'em eus ket klasket labourat gantañ c’hoazh. Evit troidigezh an etrefas, bremañ pa welan pelec’h en em gav an tammoù frazennoù e verzañ kalzik a fazioù pe traoù a vo da zigammañ (frazennoù savet a-dreuz). Graet e vo tamm-ha-tamm pa vo bet echuet brezhonekaat pep tra gant meziant ar wiki. Da'm soñj e vo nevezaet an holl etrefasoù a-barzh pell forzh penaos (ur stumm nevez a vo). --Fulup 5 Gwe 2005 à 17:48 (UTC)

Salut dit,

Gwengolo hepken gant un bennlizherenn pe an holl mizioù ? --Paotr 10 Gwe 2005 à 10:12 (UTC)

Slut Yun,

setu, ur gudennig am eus ha ne deuan ket d'he diskoulmañ. klasket meus bet graet n'oûn ket pet gwech fenoz da embann ur pennad diwar benn ar vogouleg met n'a ket en-dro an traoù. setu 'pezh vez skrivet. hag un diskould 'tefe? trugarez, Neal 27 Gwe 2005 à 19:39 (UTC)

Fazi bank roadennoù Ur pennad tennet eus Wikipedia, ar c'helgeriadur digor. Fazi ereadur er bank roadennoù. Setu ar goulenn bet pledet gantañ da ziwezhañ :

   (SQL query hidden)

adal an arc\'hwel "Article::insertOn". adkaset eo bet ar fazi "1062: Duplicate entry '0-Vogouleg' for key 2 (10.0.0.102)" gant MySQL.

salut dit, trugarez evit da respont. a-benn ar fin e oa bet diskoulmet ar gudenn drezi hec'h-unan pe gant unan bennaket all. marteze a-walc'h nne oa nemet ur gudennig bet en em silet er sistem ha war-lerc'h bet skarzhet kuit. Neal 30 Gwe 2005 à 17:39 (UTC)

Taolenn

1 Anvioù-lec'h estren e brezhoneg (eksonomiezh)
2 goulenn skoazell evit skeudennoù
3 Patromoù babel
4 Sikour adlenn mar plij
5 L cont.
6 Un nozvezh ha mil
7 Emplantennoù-bronn
8 Dilennit ho merourien
9 Deiziad diglok
10 Epi/hipokreizenn
11 logo ar wiki
12 porched ar fizik
13 Kimiezh ha kembraeg
14 Doare envel Departmantoù Frañs (votadeg)
15 Dre ma brasañ faot
16 Rummad:Duged Breizh
17 Rummad bloavezhioù
18 kartenn ar wikipedourien

[kemmañ] Anvioù-lec'h estren e brezhoneg (eksonomiezh)

Da live an ABU ez eus ur strollad arbennigourien a bled gant an anvioù-lec'h, ar GENUNG eo (Groupe d'expert des Nations-Unies sur les noms géographiques). Krouet e oa bet diwar atiz Kebekiz e penn-kentañ. Ganto ez eus bet embannet un nebeud erbedadennoù evit klask kaout an hevelep reolennoù e pep bro ha lakaat un tamm urzh er bed luziet-mañ. An div reolenn bouezusañ eo
- 1 : ul lec'h = un anv. Evit ma ouife an holl sklaer eus petra zo kaoz hag evit ma vefe plaenaet kudennoù zo. Lakaomp e Norzhiwerzhon e ra ar Gatoliked gant Derry hag ar Brostestanted gant Londonderry evit an hevelep kêr. Jeruzalem zo Jeruzalem evit Israeliz met Al-Quds evit Palestiniz hag an Arabed. Setu, evit ma vefe an nebeutañ a gudennoù emgompren evel-se e vez broudet ar Stadoù da ofisielaat stummoù o anvioù-lec'h hag e vez broudet an dud all da zegemer ar stummoù ofisiel-se evel m'emaint en o yezh dezho. Setu perak eo bet erlec'hiet Pekin gant Beijing (stumm romanekaet ofisielaet gant gouarnamant Sina). Heñveldra, eo deuet kêr Bombay da vezañ Mumbay ha Madras da vezañ Chennay en India.
- 2 : an eil erbedadenn bouezusañ eo doujañ da reizhskrivadur yezh krouiñ an anv-lec'h. Da lavaret eo degemer en e yezh an anvioù evel m'emaint er yezh orin. Da skouer, stad Georgia er Stadoù-Unanet, a c'haller degemer dindan ar stumm Georgia (stumm ofisiel) e brezhoneg ha neket dindan ar stumm Jorjia (brezhonekadur un distagadur).

Mat, evel-just, seurt erbedadennoù n'int nemet reolennoù dre vras ha disheñvel eo boaz pep yezh ha pep bro. Mat eo gouzout kouskoude ez a an erbedadennoù etrebroadel war an tu-se ha n'eo ket war an tu azasaat pep anv estren e pep yezh. Evit ar brezhoneg e kaver a bep seurt. Emglev a oa bet etre Ofis ar Brezhoneg (ennañ ur servij a bled gant an anvioù-lec'h), An Here ha TES evit diazezañ reolennoù. Diwar ar reolennoù degemeret aze eo bet embannet kartenn ar Bed gant TES, ar c'hartennoù a gaver el levrioù Istor ha Geografiezh hag ivez roll geriadur an Here. Abaoe e vez implijet stummoù ar roll-se er gelaouenn Bremañ ivez. Ar pezh a oa bet divizet dre vras eo kement-mañ : pa vez ur stumm brezhonek testeniekaet mat er skridoù evit an anvioù estren : derc'hel d'ar stumm-se, da skouer Londrez, Pariz, Bro-Saoz, Spagn, hag all. Pa n'eus ket a stumm brezhonek testeniekaet mat (ur stumm a vez kavet e meur a oberenn, e meur a gelaouenn, dindan bluenn tud disheñvel), klask degemer ar stumm ofisiel e yezh ar vro : Costa Rica, Belarus... Mat, n'eo ket aes atav gouzout petra zo testeniekaet mat ha petra n'eo ket. Ar pezh a gont a gav din eo e oa bet tu da dizhout ur seurt treuzvarc'had hag ez eus bet embannet oberennoù pedagogel diazez gant ar stummoù-se. Setu, kavout a ra din n'eus nemet mad da gaout diwar implijout ar stummoù a gaver e geriadur an Here ha pa vefe tu da arguzenniñ war stumm pe stumm, forzh penaos ne vo morse a-du an holl war ur roll evel-se. Oc'h heuliañ ar roll zo en Here en em lec'hiomp dre vras el luskad etrebroadel a embann e ranker degemer ar stummoù evel m'emaint e yezh ar vro. Evidomp-ni Bretoned eo ivez un harp evit ma vo ofisielaet un deiz stummoù evel Kemper pe Ar Roc'h-Derrien e-lec'h Quimper pe La Roche-Derrien. --Fulup 27 Her 2005 da 09:38 (UTC)

Trugarez dit, Fulup, skaeroc'h eo. Marteze e c'hellfes sevel ur pennad war an eksonomiezh?--Yun 27 Her 2005 da 11:07 (UTC)

Ya, marteze a-walc'h, evit poent e kavan aesoc'h treiñ eget sevel avat (diouer a amzer). Trugarez atav evit bezañ lakaet ur skeudenn war ar pennad Naso. Mankout a rae met ne oa netra er pennad spagnolek orin. Kalz bravoc'h eo bremañ --Fulup 27 Her 2005 da 14:05 (UTC)

[kemmañ] goulenn skoazell evit skeudennoù

Oc'h adlabourat emaon war ar pajennoù zo ezhomm evit skoazellañ ar Wikipedourien nevez da gemer perzh er raktres. Adkempennet em eus ar pajennoù Skoazell:Kammedoù kentañ diwar skouer ar pezh zo e galleg. Teir fajenn zo bremañ. Lakaet em eus liammoù evit skeudennoù met n'ouzon ket penaos en em gemer evit krouiñ ur skeudenn eus ar skramm brezhonek evit diskouez skouerioù. Daoust ha tu zo dit sikour ac'hanon evit ober war-dro an dra-se ? Gallout a rez mont war fr:Aide:Premiers_pas er wiki gallek evit gwelet penaos eo ar skeudennoù. Mankout a ra teir skeudenn en holl, div war Skoazell:Kammedoù kentañ hag unan war Skoazell:Kammedoù kentañ/2. Trugarez dit en a-raok. --Fulup 26 Du 2005 da 12:58 (UTC)

Graet eo. Trawalc'h eo pouezañ war an douchenn moulañ skramm evit eilañ ar pezh a vez diskwelet war ar skramm. Goude se e c'heller pegañ an dra-se e-barzh Paint pe Paint Shop Pro ha labourat war ar skeudenn.--Yun 27 Du 2005 da 11:54 (UTC).

Dispar, trugarez vras dit. Pellgarget em boa Paint shop pro met kalz a boan am eus bet oc'h ober gantañ evit cheñch skeudennoù, dreist-holl evit diverkañ ha skrivañ war c'horre; ne zeue ket brav ha treiñ a raen sod. Trugarez c'hoazh. --Fulup 27 Du 2005 da 14:17 (UTC)

[kemmañ] Patromoù babel

Trugarez dit da vezañ kempennet ur patrom babel nevez evit an esperanteg. Hir-tre hag arabadus-kenañ eo kempenn an holl patromoù gant an niver spontus a yezhoù zo. Evit poent e oan bet ma-unan gant se hag un tamm digalonekaet e oan rak a labour a chom d'ober c'hoazh. --Fulup 18 Kzu 2005 da 18:13 (UTC)

[kemmañ] Sikour adlenn mar plij

Mar plij, ma'z peus un nebeud amzer, ha tu a vefe dit d'ober un tamm adlenn d'ar pennad E=mc² ? N'eus ket ur skiantour ac'hanon ha n'on ket sur eo peurreizh ma zroidigezh (pell alese). Labouret em eus diwar ar pennad saoznek. Emañ war talbenn ar Wiki ar sizhun-mañ ha droch e vefe ma chomfe traoù spontus e-barzh. Trugarez vras dit en a-raok. --Fulup 18 Kzu 2005 da 22:51 (UTC)

[kemmañ] L cont.

Gwelet em eus L cont. e-barzh ar meneger e Un nozvezh ha mil. Petra eo ? Ha peseurt diforc'h gant "L" ? Trugarez. MP

[kemmañ] Un nozvezh ha mil

Perak an doare-se ? Hud an treiñ eo. Lennet em boa un droienn evel-se ≈ "Den warn-ugent" evit "UN den warn-ugent". Ha da gentañ, em boa soñjet (Un nozvezh >) Nozvezh ha mil evel Unan ha kant. Re verr an dro em eus lakaet UN : setu Un nozvezh ha mil, hag a zo ul levr… disoc'h . MP

Kompren a ran. Dav eo doujañ d'ar boazioù a zo diazezet dre gomz kerkoulz ha dre skrid e brezhoneg. N'eus ket da cheñch ar gerioù bep mintin, me zo akord ganti war pep tra teus skrivet din. Met n'anavezen ket an droienn teus roet din. Hag a-hend-all n'eo ket bet troet kalz a bajennadoù eus al levr (nemet teir c'hontadenn - ha re all marteze ?) nag a-ziwar doare Galland nag a-ziwar kontadennoù arabeg. Paour eo hêrezh a-fed levr an nozvezhioù arab en brezhoneg. MP

OK. Penaos cheñch pep tra en titloù ? Pennadoù n'eo ket diaes… MP

[kemmañ] Emplantennoù-bronn

Dispar da bennad. Laouen-kenañ on o welet pennadoù evel-se a ya er-maez eus ar bedig ma vez bac'het ar brezhoneg re alies. Spi am eus e kendalc'hi da sevel traoù en-dro d'ar yec'hed ha d'ar vezegiezh. Ezhommoù bras zo war an dachenn-se a denn da vuhez an dud. Farsus eo met seurt pennadoù a ro kalon evit an dazont. Moarvat em bije-me dibabet ober gant termenoù all aliezik met n'eo ket strikt. Pouezus-kenañ eo kinnig traoù evel-se d'an dud. Gourc'hemennoù dit c'hoazh. --Fulup 28 Gen 2006 da 18:35 (UTC)
- ya, gouzout a ran. Ur bern gerioù a seblant din bezañ bet degemeret war ar prim hep tamm gwir burutellañ ebet avat hag alies e vez distroet war termenoù a oa diazezet mat a-raok, ar pezh a zegas kemmesk e penn an dud. Evidon-me n'haller ket dispartiañ yezh ar skol eus ar yezh a vez en implij tro-dro er c'helaouennoù, er geriadurioù hag er skridoù brezhonek bet skrivet abaoe ouzhpenn kant vloaz. Souezhet on, da skouer, gant implij ar ger jel a gaver gant Diwan, implijet ganit en da bennad. Hañvalout a ra din bezañ un amprest gallek diezhomm. E geriadur an Here e kaver gel. Dont a ra an termen eus al latin gelu hag ent reizh e tle reiñ gel e brezhoneg. En alamaneg e kaver gel (distaget gel), e saozneg gel (distaget djel), e spagnoleg gel, (distaget c'hel), hag all. Perak erbediñ jel eus un tu ha geografiezh eus an tu all ? Diboell eo, ret e vije bet dezho mont war-du jeografiezh neuze. Kavout a ran furoc'h heuliañ ar reolenn voas evit deverañ an anvioù a orin latin hag ober gant g : gel, gen, genetik... A-hend-all n'em befe ket lakaet a varrennig-stagañ etre emplantenn ha bronn. --Fulup 29 Gen 2006 da 09:48 (UTC)

[kemmañ] Dilennit ho merourien

Digor eo ar votadeg evit dilenn ho merourien, votit AMAÑ

[kemmañ] Deiziad diglok

salut dit Yun. ya, gwelet 'm eus e oa diglok an deiziad - pe kentoc'h e vanke un eur...! ha goût a ouifes penaos ober evit renkañ ar gudennig-se? Neal 12 C'hwe 2006 da 10:07 (UTC)

n'eo ket strikt - treuzet hom linennoù... :-)) Neal 12 C'hwe 2006 da 21:05 (UTC)

[kemmañ] Epi/hipokreizenn

Trugarez dit da vezañ klokaet pennad hipokreizenn ha da vezañ brezhonekaet ar skeudenn. E pennad Epikreizenn n'on ket gwall asur eus ma zroidigezh evit afer ar gwagennoù treuz (n'eus ket ur skiantour ac'hanon). Moarvat e vefes gouest da lakaat an traoù un tammig splannoc'h ha digammañ an tamm frazenn-se (sell er pennad e saozneg). Trugarez dit en a-raok ma kavez un tamm amzer evit se. --Fulup 14 C'hwe 2006 da 20:58 (UTC)

[kemmañ] logo ar wiki

Kloz eo ar votadeg. Gallout a ri ober war-dro kempenn al logo mar plij ? --Fulup 2 Meu 2006 da 18:39 (UTC)

dont a ra ur framm gwenn en-dro d'al logo bremañ. a-raok ne oa ket, bravoc'h e oa a gav din. Posupl eo cheñch ? --Fulup 2 Meu 2006 da 21:47 (UTC)

Dispar, deuet eo kaer. Trugarez vras dit, pouezus e oa ober ur cheñchamant buan bremañ pa'z eus bet kemeret un diviz.

[kemmañ] porched ar fizik

Ne gav ket dit e vije tu da soñjal sevel ur porched bravik bremañ evit lakaat war wel tout al labour bet graet ganit war dachenn ar skiantoù ? Sell ouzh ar re-mañ a gavan bravik hag aes a-walc'h da azasaat :
Physics
Física

E galleg eo brav ar bloc'had kentañ met goude n'eo ket dispar rak n'eus ket gwir skeudennoù :

Physique

Petra a soñjez ? Mat eo din sikour ac'hanout un tamm ma fell dit --Fulup 3 Meu 2006 da 19:17 (UTC)

Kroget eo bet e-barzh ! : Porched:Fizik
MP 19 Gou 2006 da 08:57 (UTC)

[kemmañ] Kimiezh ha kembraeg

Ur porched evit ar gimiezh ivez, goude ma n'eus ket pikol tra marteze: Primo Levi a oa kimiour. Ur pennad ganin db ar Ziklon B (ziklon?) hiziv. A-hend-all on bet mil souezhet o welout ne oa ket bet boulc'het Taliesin gant Kembreiz c'hoazh! Bianchi-Bihan 17 Ebr 2006 da 16:05 (UTC)

[kemmañ] Doare envel Departmantoù Frañs (votadeg)

Savet 'zo bet un tabut war ar poent-mañ (displeget dre an hir war ar bajenn-mañ). Kaset e vo da benn ur votadeg e-pad ur sizhunvezh d'an nebeutañ evit klask kaout un diskoulm diazezet war un emglev ledan.

Pedet oc'h neuze da vont da lakaat ur sell war an displegadurioù ha da reiñ ho soñj dre votiñ.

Mat e vefe d'an holl implijerion/ezed kemer perzh, rak seul ledanoc'h e vo an emglev tizhet a-benn ar fin seul aezetoc'h e vo lakaat an traoù da vont war-raok en un doare aezet.

Lennit ha votit amañ: Politikerezh Envel Departamantoù Frañs (tabut)

--Neal 5 Du 2006 da 09:42 (UTC) (Merour)

[kemmañ] Dre ma brasañ faot

Kompren a ran da savpoent, hag aet on re bell, am eus aon. Setu ne rin ket ken. Komzet em boa un tamm eus se koulskoude en ur bajenn bennak (pehini? 'm eus ket soñj ken) abalamour ma kaven e oa stlabez gant ar rummadoù en tu-se: skrivagner(ien) (v)brezhonek(g), betek 5 rummad en holl, ma'm eus soñj mat. Goude-se em boa soñjet ne oa ket ezhomm eus kement-se a rummadoù. Met pa lavarez din perak e komprenan gwelloc'h. Gwir eo e vezan techet bremañ da vont da-heul tud zo a ya kalz re vuan da ziverkañ traoù zo: ur c'hleñved a red dre ar wikipedia, ha tizhet on bet ivez. Mat 'peus graet lavarout din, diwall a rin diwar vremañ. Lavar din en-dro ma kavez abeg em labour. Klask a ran ober pennadoù a c'hallo servij da implijerien ar wikipedia, skolidi, studierien ha kelennerien. Brezhonegerien, petra. A galon ganit. Bianchi-Bihan 28 Du 2006 da 20:55 (UTC)

[kemmañ] Rummad:Duged Breizh

Salud dit Benoni. Krouet em eus ur rummad Rouaned ha Duged Breizh evit renkañ ar pennad Alan IV a Vreizh. Dibabet em boa an titl-se abalamour d'ar pennad Roll Rouaned ha Duged Breizh. Emaon o paouez gwelet ez poa krouet ur rummad Duged Breizh c'hoazh. Daou a zo re eveljust ha ret e vo dilemel unan. Petra 'soñj dit ? --Yun 29 Du 2006 da 20:51 (UTC)

Daou rumm evit lavarout ar memes tra, ya. Er wiki gallek e oa bet kaoz eus se gwechall ivez, ha tabut abalamour da c'hout pe roue pe get e oa Nevenoù kozh. pell zo n'on ket bet o welet pet rumm zo. Bianchi-Bihan 29 Du 2006 da 22:03 (UTC)

Ingal eo din. Marteze 'z eus tu derc'hel ur rummad "Duged Breizh", kaout unan all "Roueed Breizh", hag e vijent o daou isrummadoù eus "Pennoù Breizh"?Benoni 29 Du 2006 da 23:11 (UTC)

N'in ket da sevel ur skritur nevez fenoz, met kompren a garfen petra eo ar fallvarchoù: n'eus liamm ebet gant ur pennad gallek da sklerijennañ ma spered beuzet e teñvalijenn an diouiziegezh. Shelley Konk 5 Kzu 2006 da 17:42 (UTC)

[kemmañ] Rummad bloavezhioù