Aostria-Hungaria

Diwar Wikipedia, an holloueziadur digor

Österreichisch-ungarische Monarchie
Die im Reichsrat vertretenen Königreiche und Länder und die Länder der heiligen ungarischen Stephanskrone (alamaneg)

Osztrák-Magyar Monarchia
A birodalmi tanácsban képviselt királyságok és országok és a magyar szent korona országai (hungareg)


(Banniel kozh Aostria)	(Banniel Hungaria)
Skoed-ardamez Aostria-Hungaria

Kanoù broadel

Volkshymne (Aostria)
Himnusz (Hungaria)

Yezhoù ofisiel

Aostria: Alamaneg, Tchekeg, Poloneg, Ukraineg, Italianeg, Roumaneg, Sloveneg, Kroateg... (12 yezh en holl)
Hungaria: Hungareg, Latin

Kêr-benn

Vienna (Wien)

Gorread

680,887 km² (1907)

Poblañs

48,592,000 (1907)

Unpennoù

Franz Josef I (1867-1916)
Karl I (1916-1918)

Moneiz

Kurun Aostrian (adalek 1892)

Aostria-Hungaria a oa kevredad an div stad meneget en anv ar vro. Diazezet e oa bet e 1867 war dachenn Impalaeriezh Aostria (1806 - 1867). Renet e oa gant an Habsbourged betek 1918. Dilezet e dron gant an impalaer diwezhañ, Karl I Habsbourg-Loren er bloavezh-se, e voe dispennet ar c'hevredad. Diazezet e oa meur a stad war e dachenn: Aostria, Hungaria, Tchekoslovakia ha Rouantelezh SHS (Yougoslavia). Kouezhañ a rae rannvroioù zo e dalc'h Polonia, Roumania hag Italia.

Anv ofisiel ar c'hevredad a dalveze kement hag "Ar rouantelezhioù ha broioù dezho kannaded e Breujoù an Impalaeriezh ha broioù kurun santel hungarian Sant István". "Monarkiezh K & K" (diwar an alamaneg kaiserlich & königlich, "impalaerel ha roueel") a veze graet anezhañ ivez.

[kemmañ] Yezhoù Aostria-Hungaria

Niver ha dregantad a yezherien er boblañs a-bezh e 1910

Yezh	Niver a yezherien	Dregantad
Alamaneg	12.006.521	23,36
Hungareg	10.056.315	19,57
Tchekeg	6.442.133	12,54
Poloneg	4.976.804	9,68
Serbeg ha kroateg	4.380.891	8,52
Ukraineg	3.997.831	7,78
Roumaneg	3.224.147	6,27
Slovakeg	1.967.970	3,83
Sloveneg	1.255.620	2,44
Italianeg	768.422	1,50
Yezhoù all	2.313.569	4,51
En holl	51.390.223	100,00