Rehiyon Bikol
Halì sa Wikipedia
 |
||
| Rehiyonal na sentro | Ciudad nin Legazpi, Albay | |
|---|---|---|
| Populasyon | 4,674,855 | |
| – Densidad | 265.1 kada km² | |
| Hiwas | 17,632.5 km² | |
| Mga Bangâ | ||
| – Mga Provincia | 6 | |
| – Mga Ciudad | 7 | |
| – Mga Banwaan | 107 | |
| – Mga Barangay | 3,471 | |
| – Mga Distrito | 14 | |
| Mga Tataramon | Bikol, Masbateño, Sorsoganon, Tagalog | |
An Rehiyon Bikol, Bicolandia o Kabikolan (Ingles: Bicol Region o Region V) sarò sa 17 kan Republika kan Filipinas. Ini minaokopar kan Bicol Peninsula sa sur-subangan kan isla nin Luzon asin mga isla kan Masbate sagkod Catanduanes.
[hirahón] Heograpiya
Komponido ini nin anom na provincia, an Albay, Camarines Norte, Camarines Sur, Catanduanes, Masbate asin Sorsogon. Igwa ini nin sarong nagsasadiring ciudad, an ciudad nin Naga asin anom na kapartidong ciudad, an mga ciudad nin Iriga, Legazpi, Ligao, Masbate, Sorsogon asin Tabaco. An mga rehiyonal na sentro iyo an ciudad nin Legazpi, an panpulitikang sentro asin ciudad nin Naga, an pinaká-progresibong ciudad kan rehiyon asin pankomersyo, pan-educaccion, pan-financial, panrelihiyon asin pankulturang sentro kaini.
[hirahón] Tataramon
An mga nageerok digdi inaapod na mga Bikolano na nagtataram nin manlaen-laen na tataramon arog kan Rinconada sa ikatolong distrito kan Camarines Sur, Albayano sa sulnopan na parte kan provincia nin Albay asin iba pa. An Estandarteng Bikol iyo an diyalekto sa Naga asin Legazpi na nasasabòtan kan ibang mga tagataram kan iba pang Bikol.
