Unix

De Uiquipedia

Ken Thompson y Dennis Ritchie

Unix® (o UNIX) ye un sistema operativu portable, multitarea y multiusuariu; desarrollau de primeres por un grupu de trabayadores de los llaboratorios Bell d'AT&T, entre los que figuren Ken Thompson, Dennis Ritchie y Douglas McIlroy.

Güey, la pallabra UNIX utilizase pa dellos conceutos dependiendo del contestu nel que ye usada. Esto lleva a confusiones:

UNIX - familia: dende'l puntu de vista téunicu, UNIX refierese a una familia de sistemes operativos que comparten unos criterios de diseñu y interoperabilidad en común. Esta familia caltién más de 100 sistemes operativos desarrollaos en 20 años. De toes menes, ye importante amosar q'esta definición nun quier dicir necesariamente q'estos sistemes operativos compartan códigu o cualisquier propiedá inteleutual.
UNIX - el sistema operativu orixinal: dende'l puntu de vista hestóricu, UNIX refierese a la subfamilia de sistemes operativos que descienden de la primer implementación orixinal d'AT&T. El terminu descendencia tien q'interpretase como trabayos derivaos que comparten propiedá inteleutual cola implementación orixinal.
UNIX - la marca: dende'l puntu de vista llegal, Unix ye una marca de mercau. Dicha marca ye propiedá de “The Open Group”, una organización d'estandarización que dexa l'usu de la marca a cualisquier sistema operativu que cumpla colos sus estándares espublizaos. Too ello independientemente de que'l sistema operativu en cuestión seya descendiente o clónicu del Unix orixinal. Resumiendo, la marca Unix nun ye propiedá de nenguna compañía.

[editar] Families

Les families UNIX más significatives son:

AT&T: la familia que tuvo el su orixen nel UNIX d'AT&T. Considerada la familia UNIX "pura" y orixinal. Los sus sistemes operativos más significativos son UNIX System III y UNIX System V.
BSD: familia orixinada pol llicenciamientu d'UNIX a Berkely. BSD incorpora propiedá inteleutual que nun bien d'AT&T, la primer implementación de los protocolos TCP/IP que dieron orixen a Internet.
AIX: esta familia xurde pol llicenciamientu d'UNIX System III a IBM.
Xenix: familia que bien de la merca de los drechos orixinales d'AT&T por SCO.
GNU: En 1983, Richard Stallman anunciara'l Proyeutu GNU, un ambiciosu esfuerzu pa facer un sistema similar a Unix, que pudiera distribuise llibremente. El software desarrollau por esti proyeutu -- por exemplu, GNU Emacs y GCC -- tamién ye parte fundamental d'otros sistemes UNIX. En 1991, cuando Linus Torvalds entamó a proponer el kernel Linux y a xuntar colaboradores, les ferramientes GNU yeran la meyor opción. Al combinase los dos elementos, formose la base del sistema operativu (basau en POSIX) que güey conocemos como GNU/Linux o Linux, a seques. Les distribuciones basaes nel kernel, el software GNU y otros paquetes amestaos —entre les que puede mencionase a Debian GNU/Linux o Fedora— son aguañu mui populares tanto entre los usuarios domésticos pero sobre tou nel mundu empresarial. Dese cuenta que Linux tien un orixen independiente, polo que ye un clónicu d'UNIX y non un UNIX nel sentíu hestóricu.

Las rellaciones entre estes families son les que siguen, n'orde cronolóxicu (aprosimau):

La familia BSD xurde del llicenciamientu del UNIX orixinal d'AT&T.
Xenix tamién xurde por llicenciamientu del UNIX orixinal d'AT&T, anque entá nun yera propiedá de SCO.
AIX xurde por llicenciamientu d'UNIX System III, pero tamién incorporta propiedá inteleutual de BSD.
La familia orixinal AT&T incorpora illegalmente propiedá inteleutual de BSD n'UNIX System III r3.
La familia AIX vuelve a incorporar propiedá inteleutual de la familia AT&T, esta vegada procedente d'UNIX System V.
GNU/Linux incorpora propiedá inteleutual de BSD, gracies a q'éste tamién lliberase con una llicencia de códigu abiertu nomada Open-source BSD.
Anque nun ta demostrau, se cree que GNU/Linux incorpora propiedá inteleutual d'AIX, gracies a la collaboración d'IBM na versión 2.4 del su núcleu (kernel).