Sahara Occidental
De Uiquipedia
|
|||||
| Lema nacional: Hurrīyya-Dīmuqrātīyya,Wehda (Árabe: «Llibertá, Democracia, Unidá») |
|||||
 |
|||||
| Llingües oficiales | Árabe y español | ||||
| Capital | L'Ayún | ||||
| Presidente (nel exiliu) | Mohamed Abdelaziz | ||||
| Primer ministru (nel exiliu) | Abdelkader Taleb Oumar | ||||
| Superficie - Total - % agua |
Lugar nº 83 266.000 km² Despreciable |
||||
| Población - Total (est. 2003) - Densidá |
Lugar nº 182 262.000 hab 1 hab./km² |
||||
| Independencia - Declarada - Reclamada y controlada |
D' España 27 de febreru de 1976 Por Marruecos |
||||
| Moneda | Dirham de Marruecos | ||||
| Fusu horariu | UTC 0 | ||||
| Xentiliciu | saharaui | ||||
| Himnu nacional | Yābaniy Es-Saharā | ||||
| Dominiu Internet | Ningunu (tien reserváu .eh) | ||||
| Códigu telefónicu | + 212 (mesmu códigu que Marruecos) | ||||
El Sahara Occidental ye un territoriu d'África, nel estremu occidental del desiertu del Sáhara. Foi antigua colonia española y anguaño ta baxo alministración de Marruecos, anque'l so drechu sobre esti territoriu nun ta reconocíu pola ONU y el Tribunal Internacional de L'Haya y ye refugáu pol Frente Polisariu que reclama la independencia pal pueblu saharaui.
Tabla de conteníos |
[editar] Hestoria
Reclamada como colonia por España nel 1885 la ocupación efectiva del territoriu nun se realizó hasta'l 1934. En 1975 España abandonó'l territoriu que foi invadíu por Mauritania y Marruecos en 1976 realizó la Marcha Verdi, pero el Frente Polisariu proclamó la República Arabe Saharaui Democrática (RASD) y declaró-y la guerra a los invasores. En 1979 Mauritania nun pue siguir costeando la guerra y firma la paz col Frente Polisariu renunciando asina a les sos pretensiones nel territoriu. En 1991 Marruecos y el Frente Polisariu firmen un altu'l fueu auspiciáu pola ONU qu'establez la Misión pal Referéndum nel Sáhara Occidental (MINURSO) que se celebraría en febreru de 1992. Marruecos foi aplazando la convocatoria pal referéndum mediante apelaciones nes que pide a los marroquinos que tán na zona (que yá son mayoría) tengan drechu a votu.
Ente 1980 y 1987 Marruecos construyó nel Sáhara Occidental una barrera d'ocupación divisoria conocida como «muru de la vergüenza». Tien más de 2.000 km, ta fabricada con tierra, piedra y arena y protexida con soldaos, mines anti-persona, artillería y otros materiales militares.
[editar] Gobiernu y política
L'estatus llegal del territoriu y la entruga de la soberanía tán ensin resolver. Alcuéntrase n'ocupación de Marruecos, pero'l Frente Polisariu dispúta-y el control.
[editar] Organización político-alministrativa
Fai años dividíase en Saguia el Hamra (capital: L'Ayún) y Ríu d'Oru (capital Dajla, antigua Villa Cisneros). Otres poblaciones importantes son Smara y La Güera (o La Agüera).
Marruecos dixebró'l Sáhara Occidental en cuatro provincies: Boujdour (Bojador), Laâyoune (L'Ayún), Es-Smara (Smara) y Qued Eddahab (Ríu d’Oro). Tres de la reorganización nel 1997, el territoriu del Sáhara Occidental pertenez a tres rexones marroquines (Oued Ed-Dahab - Lagouira, Laâyoune - Boujdour - Sakia El Hamra y Guelmin - Es-Semara). Les dos últimes inclúin tamién territoriu marroquín.
[editar] Xeografía
El Sáhara Occidental alcuéntrase nel África Norte, llindando nel norte col Océanu Atlánticu, Mauritania (nel este y sur) y Marruecos (nel norte). Llinda tamién al noreste con Arxelia.
Atravesáu pol Trópicu de Cáncer, el territoriu ta ocupáu pol desiertu del Sáhara, siendo una parte erg (desiertu d'arena) y otra de piedra.
La escasa vexetación solo crez nos oasis. Hai delles especies animales adaptaes al áridu hábitat desérticu, como'l ratón brincante del desiertu.
[editar] Economía
El Sáhara Occidental cuenta con pocos recursos naturales y nun tien suficientes precipitaciones como p'abastecer la mayoría de les actividaes agrícoles. La so economía ta centrada nel pastoréu nómada, la pesca y la minería del fosfatu. La mayoría de los alimentos pa la población urbana tien que ser importada. Tol comerciu y les otres actividaes económiques tán controlaos pol gobiernu de Marruecos.
[editar] Demografía
La población del Sáhara Occidental ye na so mayoría d'oríxe árabe y bereber, esiste tamién una escasa minoría d'ascendencia española o europea, y de raza negra. Gran parte de la población saharaui del país (alredor de 155.000) ta nel exiliu en campamentos en Tinduf dende 1975. El país ta ocupáu mayoritariamente polos marroquís llegaos dempués de 1975 y pol exércitu.
Sáhara Occidental ye un de los territorios menos poblaos del mundu y posiblemente el de menor densidá de población. En xunetu de 2004 taba nel Sáhara Occidental una población de 267.405 persones.
La llingua oficial ye l'árabe, anque fálase diariamente'l dialectu conocíu como'l hasanía, un dialectu faláu en Mauritania pero con mui poques diferencies que solo se puen detectar pol Bidhan (los habitantes del Sahara y Mauritania). Tamién se fala l'español, como'l segundu idioma más importante del territoriu, particularmente pa los que crecieron baxo la colonización española.
El creu predominante ye l'islam.
[editar] Cultura
| Fecha | Nome n'asturianu | Nombre local | Notes |
|---|---|---|---|
| 27 de febreru | Fiesta nacional | Sab'a O'Echreen Fabrair | Proclamacion de la RASD |
| 20 de mayu | Fiesta nacional | Eichreen mai | Declaración de llucha armada pa la lliberación. |
[editar] Enllaces esternos
- http://www.arso.org
- Páxina Web de la Asociación Malagueña d'Amigos del Pueblu Saharaui
- Noticias y reportajes sobre'l Sahara Occidental n'español
- Información Adicional del Sahara Occidental
| África |
| Angola | Arxelia | Benin | Botsuana | Burkina Faso | Burundi | Cabu Verde | Camerún | Chad | Congo | Costa de Marfil | Eritrea | Etiopía | Exipto | Gabón | Gambia | Ghana | Guinea | Guinea-Bissáu | Guinea Ecuatorial | Islles Comores | Islles Seychelles | Keña | Lesotho | Liberia | Libia | Madagascar | Malaui | Malí | Marruecos | Mauricio | Mauritania | Mozambique | Namibia | Níxer | Nixeria | República Centroafricana | República Democrática del Congo | República Surafricana | República Xunida de Tanzania | Ruanda | Santu Tomás y Príncipe | Senegal | Sierra Leona | Somalia | Sudán | Suazilandia | Togo | Túnez | Uganda | Yibuti | Zambeze | Zimbabue
Posesiones: Ceuta | Europa | Islles Canaries | Islles Kerguelen | Madeira | Mayotte | Melilla | Reunión | Sahara Occidental | Socotra | Tromelin |
