Punta Faixón
De Biquipedia
| Punta Faixón | |
| Altaria | 3,009 m |
| Latitú | - |
| Lonchitú | - |
| Situazión | Torla, Uesca, Aragón |
| Cordelera | Perinés |
| Primera puyada | - |
| Rota de puyada más fázil |
Dende Goriz u dende Sarradets |
A Punta Faixón (Torre de Marboré u de Gavarnie en castellán, Tour du Marboré en franzés) ye una tuca d'os Perinés d'o mazizo de Mon Perdiu, situada en una cresta de picos de más de 3.000 m. que fa de muga entre España (Bal d'Ordesa) y Franzia (Zirco de Gavarnie), estando encluso tanto en o español Parque Nazional d'Ordesa y Mon Perdiu como en o francés Parque Nazional d'os Perinés.
Chunto con a Punta Corral Ziego, os Picos d'o Salto d'augua y o Pico Marmorés forma la paret norte d'o Zirco de Gavarnie, con 1500 m. de desnibel dend'o fundo d'a bal y an se troba o mayor salto d'augua d'Europa, o Salto d'augua de Gavarnie con 425 m. d'altaria.
[Editar] Rotas
Por a parti española l'amanamiento en beíclo se fa dic'a tascal d'a Bal d'Ordesa u dic'a bal de Buxargüelo, mientres que por a parti franzesa se fa dic'a estazión d'eslisadera de Gavarnie-Gèdre, que ye a que más amán nos dexa d'a tuca .
Dende Ordesa se puya primer dic'o cubillar de Goriz, (2.190 m., 4 oras y punto cruzial t'a esplorazión de toda a redolada), siguindo dimpués a rota ent'a Breca de Rolando dica arribar á la collada entre a Punta Faixón y o Punta Corral Ziego, dende an s'enresta la tuca. Dende Ordesa se puede arribar á lo mesmo punto puyando por o zirco de Cotatuero u por o zirco de Carriata.
Dende Gavarnie-Gèdre y dende Buxargüelo se'n puya dic'o cubillar franzés de Sarradets, puyando dimpués á la Breca de Rolando y rodiando enta l'este a bersán sur d'a cresta dica arribar á la collada entre a Punta Faixón y a Punta Corral Ziego, dende an s'enresta la tuca.
