Natalie Portman
De Biquipedia
|
||||||||
Natalie Portman (Cherusalén, 1981) ye una actriz israelo-americana.
Contenius |
[Editar] Biografía
Naxita de Cherusalén (Israel) lo 9 de chunio de 1981, n'o sino d'una familia chodiga, lo suyo nombre orichinal ye Natalie Hershlag (en ebreu: נטלי הרשלג). Su pai, Avner Hershlag, ye un medico israelí d'oríchens polonés e rumano. Su mai, Shelley Stevens, ye una artista nordamericana d'oríchens austriaco e ruso.
Natalie bibió los suyos primers tres años á Israel, dica que la familia Hershlag emigró t'os Estatos Unitos en 1984. Zaga d'afincar-se á Washington e Connecticut, remató á Long Island, n'o estato de Nueba York. En 1999, Natalie aczedió ta la unibersidá de Harvard, an que obtenió un diploma en psicolochía en 2003.
Un achén ta la interpresa de cosmeticos Revlon la descubrió á la edá d'onze años. Ye alabez que pasó á dizir-se Natalie Portman (en ebreu: נטלי פורטמן), prenendo l'apellito de soltera d'a suya maye. Dimpués d'aber estato presentata á achens d'actors, conseguió lo suyo primer papel á los doze años, n'a zinta Léon de Luc Besson, an bi entrepretó una zagala encara no adoleszén que beye morir la suya familia per un afer de drogas.
La carrera suya prenió una nueba bolata á la que George Lucas li atorgó lo papel de Padmé Amidala n'a suya segunda trilochía d'a Guerra d'as galacsias. Desichén per un regular con os papels que azepta, acaró á l'arreyo la comedia dramatica con Garden State de Zach Braff e con Closer de Mike Nichols. Ista zaguer zinta li baldría en 2005 lo Globo d'Oro ta la millor actriz de reparto, debez que una nominazión n'os Oscars ta la mesma categoría.
Natalie tamién ha feito d'actriz teatral n'as obras The Diary of Anne Frank (Lo diario d'Anne Frank), en 1997, e The Seagull (La gabiota), d'Anton Chejov, en 2001.
[Editar] Filmografía
- 1994: Léon , de Luc Besson
- 1994: Developing, de Marya Cohn
- 1995: Heat, de Michael Mann
- 1996: Beautiful Girls (Misachas bonicas), de Ted Demme
- 1996: Everyone Says I Love You (Toz dizen "Te quiero"), de Woody Allen
- 1996: Mars Attacks! (Marte ataca!), de Tim Burton
- 1999: Star Wars: Episode I - The Phantom Menace (La guerra d'as galacsias I: La menaza pantasma), de George Lucas
- 1999: Anywhere But Here (Á cualsiquier altro puesto), de Wayne Wang
- 1999: Where the Heart is (Allá an ye lo corazón), de Matt Williams
- 2002: Star Wars: Episode II - Attack of the Clones (La guerra d'as galacsias II: L'ataque d'os clons), de George Lucas
- 2003: Cold Mountain, d'Anthony Minghella
- 2004: Garden State (Lo estato chardín: Nueba Jersey), de Zach Braff
- 2004: True, de Tom Tykwer
- 2004: Closer, de Mike Nichols
- 2005: Domino One, de Nick Louvel
- 2005: Star Wars: Episode III - Revenge of the Sith (La guerra d'as galacsias III: La rebancha d'os Sith), de George Lucas
- 2005: Free Zone, d'Amos Gitai
- 2005: V for Vendetta (V de Vendetta), de James McTeigue
- 2006: Goya's Ghosts (Las pantasmas de Goya), de Milos Forman
[Editar] Premios
[Editar] Oscars
| Año | Categoría | Zinta | Resultato |
|---|---|---|---|
| 2004 | Oscar ta la millor actriz de reparto | Closer | Candidata |
[Editar] Globos d'Oro
| Año | Categoría | Zinta | Resultato |
|---|---|---|---|
| 2004 | Globo d'Oro ta la millor actriz de reparto | Closer | Ganadora |
| 1999 | Globo d'Oro ta la millor actriz de reparto | Anywhere But Here (Á cualsiquier altro puesto) | Candidata |
[Editar] Curiosidaz
- Ye filla unica.
- Ye bechetariana dende que teneba güeito años.
- Fabla anglés e ebreu, e conox bela cosa de franzés, alemán, chaponés e español.
- Su mai ye la suya achén.
- Su ziudá preferita ye París.
