Vulkanismus
Us der alemannische Wikipedia, der freie Dialäkt-Enzyklopedy
 |
Dialäkt: Markgräflerisch (Ebringe) |
Under Vulkanismus verstoht mer alli geologische Vorgäng un Erschinige, wo mitem Ufstige vu Magma innerhalb vu de ussere planetare Chruste bis zue de Planeteoberflächi verbunde sin. Dezue ghöre alli Ustrittsforme as festi (Bombe, Lapilli, Bimsstei, Äsche), flüssigi (Lava, Lahar, Geysir, Maar) oder gasförmige (vulkanischs Gas, Fumarole) Stoff. Nit selte trätte Mischforme vu dr eruptive Begleiterschinige uf wie z. B. die verheerende pyroklastische Ström.
Vulkane ghöre zue dr imposanteste Erschinigsforme vum Vulkanismus, nit nur uf dr Erde, sundern au uf andere Planete un ihrene Mönd vu unserem Sunnesystem. Es sin verschideni aktivi Vulkane usserhalb vu dr Erde bechannt, so befinde sich Schwäfelvulkane aber au extrem heissi silikatischi Vulkane ufem Jupitermond Io, Kryovulkane (Stickstoffgeysire) ufem Neptunmond Triton un erloscheni Vulkane z. B. uffem Mars. D'Venus het villicht noch aktivi Vulkane. Uffem Erdmo sin die grosse dunkle Flächene, wo si "Gsicht" bilde, riisige Lavafelder wo vor yber drei Milliarde Johre entstande sin. Exotisch isch dr Vulkanismus uf dr Iismönd im ussere Sunnesystem, wo d'Lava Gletscheriis oder gar schlicht un eifach Wasser gsi si muess oder gar noch isch. Aktivi Wasser-Geysire het d'Ruumsonde Cassini im Herbst 2005 uffem Saturnmond Enceladus entdeckt. Enceladus, mit 500 km Durmesser nit grad gross, het dodemit bezüeglich sinere geologische Aktivität die chüehnste Erwartige ybertroffe. Si Inners bestoht offebar us flüssigem Wasser.
Dr Vulkanismus het Adeil an dr folgeschwerste Naturkatstrophe uf dr Erde. Ihm sin vili vu dr gwaltige Umwälzige in dr Erdgschicht zuezschribe, nit zletzt dur sini erhebliche Iflüss uf die regional un global Klimaentwicklig mit dr dorus resultierende Folge.
Im klassische alemannische Sprochruum git's chei aktive Vulkanismus meh. Geologisch uf Sparflamme isch noch dr Kaiserstuehl im Oberrhigrabe bi Friburg im Brisgau aktiv, wo sich jährlich um öppe ei Millimeter hebt. Ebefalls bi Friburg finde sich au uffem Schimberg vulkanischi Spure.
Im Hegau stehn noch Schlöt vu sit öppe 20 Millione Johre erloschene Vulkane as riisigi Türm ällei in dr Landschaft, so dr Hohetwil bi Singe.
Lueg au: Vulkanusbruch, Pompeji, Plinianischi Eruption, Caldera, Tektonik, Erdchruste, Lithosphäre, Planetologi
[ändere] Literatur
- Hans-Ulrich Schmincke: Vulkanismus, Wissenschaftliche Buchgesellschaft, 2000, ISBN 35-3414-102-4
- Carl Christoph Beringer: Vulkanismus und andere Tiefenkräfte der Erde, Franck h, 1953, ISBN B0000BGFMR
[ändere] Webgleicher
- Vulkan: Virtuelli Exkursione, Photoglossar, Bilder un Videoclips, QTVR-Panorame, Expeditione
- Informatione iber Vulkan un ihri Tätigkait
- Eruptionsmechanisme un -type sowie pyroklastischi Ablagerige; Vorläsig vu PD Dr. Ulrich Knittel
- Weekly Volcanic Activity Report vom U.S. Geological Servey
- Geo-Lexikon
Der Artikel basiert uf ´ra freie Ibersetzung vum Artikel „Vulkanismus“ us dr dytsche Wikipedia.
