Synthetic Aperture Radar
Us der alemannische Wikipedia, der freie Dialäkt-Enzyklopedy
 |
Dialäkt: Markgräflerisch |
E Synthetic Aperture Radar (SAR) ghört ebeso wie e Real Aperture Radar (RAR) o. (SLAR) zue dr Klasse vu dr abbildende Radare. Es lieferet e 2-dimensionali Darstellig vume Geländesusschnitt dur Abtastig vu ere planetare Oberflächi mit elektromagnetische Welle. Die vu eme SAR erzügte Abbildige sin ufgrund vu ihrer Ähnlichkeit mit photographische Ufnahme verhältnismässig liicht interpretierbar un werre fer planetari Erchundig-, Chartierigs- un Ufchlärigszwecke verwendet. E SAR isch im Gegesatz zue optische Sensore bi nohezue allene Witterigsbedingige isatzfähig, wil Trüebige vu dr Atmosphäri dur Näbel, Räge oder Schnee d'Mikrowellestrahlog im Vergliich zue Liechtstrahle wittus wäniger schwächn. Düryber nus cha e SAR, wie jeder aktiv Radarsensor, au z'Nacht igsetzt werre.
Während sich die geometrisch Uflösig vume RAR wägenem divergierende Antennestrahl mit zuenämmendem Objektabstand verschlechteret, cha mit eme SAR e entfernigsuabhängigi Ortsuflösig bis nab in dr Dezimeterberiich erzilt werre. Näbe dr Erde werre dorum au d'Oberflächene vu dr Venus un vum Titan mit eme SAR an Bord vu Ruumsonde erforscht. D'Venus het mert au scho vu dr Erde us mit Radar undersuecht.
[ändere] witterfüehrendi Informatione
Fer e detaillierti Erchlärig vum Funktionsprinzip lueg bim dytsche Bitrag Synthetic_Aperture_Radar
