Slowenien
Us der alemannische Wikipedia, der freie Dialäkt-Enzyklopedy
Slowenia isch a klenns Land im südlicha Mitteleuropa und grenzt im Weschta an Italien und an 'd Adria, im Süda und Osta an Kroatien und Ungarn und im Norda an Österreich.
Slowenia hätt 20.000 km2 Flächi und ca. 2 Mio. Iwohner. D Hauptstadt isch Ljublijana (uf Dütsch Laibach).
[ändere] Geographie
Obwohl’s Land eigentlich boda klen isch, find ma in Slowenien fasch alls: im Norda hot’s mit ma Toal vo da Alpa (Julische und Steiner Alpa) und da Karawanka richtige Hochgebirge, im Oschta a Tiefebene, in da Mitte und im Weschta git’s a karschtigs Mittlgebirge (Dinarisches Gebirge) und im Süda sogär s’Meer (Mittelmeer).
Da högschte Berg vo Slowenien, mit 2.864m da Triglav, liet im Nationalpark Triglav, da tiafschte Punkt isch dia 47 km lange Adriaküschte. Us da Julischa Alpa kond zwoa vo da wichtigschta Flüss, d‘Isonzo (Soča) und die Save, dia andra zwoa, d‘Drau und da Mur flüssend vo Öschtriich umme. Meh wia d’Hälfte vom Land isch mit Wald zuagwachsa.
O s’Klima isch untaschiedlich: Im Südweschta isch’s enda mediterran mit warma Summa und füchta, milda Winta, wobei s’an da Küschte öft kalte Fallwinde (Bora) ge ka. Im Innara vom Land hot’s atypisch kontinentals Klima.
