Medikament
Us der alemannische Wikipedia, der freie Dialäkt-Enzyklopedy
E Medikamänt isch e Substanz, wo in ere bestimmte Dosierig zur Heilig, Linderig oder Vorbeugig vo Krankete dient. Vo de Medikamänt im ängere Sinn abz'gränze sin Arzneimittel, wo zur Diagnose vo Krankete und Zueschtänd benutzt wärde (Diagnostica) und söttige, wo zum Ersatz vo Körperflüssigkeite diene (z.B. Infusione).
Dr Usdruck kunnt us em Latinische medicamentum - s'Heilmittel.
Tradizionell sin Medikamänt us Pflanze, Pflanzeteil oder Pflanzenextrakt bzw. Tierbestandteil härgschtellt worde. Hüt sin die meischte Medikament synthetisch härgschtellt.
D' Medikamänt wärde unter ihrem Handelsname (Original oder Genericum) oder unter em Wirkschtoffname (em sogenannte International non-proprietary Name INN) verkauft.
D'Wüsseschaft, wo sich mit mit de Medikamänt befasst, heisst Pharmazie.
