Vatikaanstad
vanuit Wikipedia, die vrye ensiklopedie.
|
Status Civitatis Vaticanae |
|
|
|
|
|
Volkslied: Inno e Marcia Pontificale |
|
|
|
|
| Amptelike taal | Latyns Italiaans Duits Frans Spaans Portugees Engels |
| Hoofstad | Die Vatikaanstad |
| Regeringstelsel | Monargie |
| Religie | Rooms-Katoliek |
| Oppervlak – % water |
0.44 km² 0% |
| Bevolking – Digtheid: |
925 2093/km² |
| Geldeenheid | Euro (EUR) |
| Tydsone | UTC +1 |
| Nasionale feesdag | |
| Web | Kode | Tel. | .va | | +379 |
Vatikaanstad — amptelik Die Staat van die Vatikaanstad, of Vatikaanstadstaat (Italiaans: Stato della Città del Vaticano, Latyns: Status Civitatis Vaticanae) — is 'n klein soewereine staat waarvan die gebied bestaan uit 'n ingeslote gebied binne die stadsgebied van Rome, Italië. Omdat dit regeer word deur die Biskop van Rome, die Pous, kan die regering daarvan beskryf word as Ekklesiasties en die hoogste staatsampte word volgestaan deur kerklikes. Die moderne tuiste van die Pous is die kleinste onafhanklike nasie in die wêreld in terme van area en bevolking. (Dit is as die Knights Hospitaller nie as 'n land in berekening gebring word nie.) Dit is die territoriale setel van die Heilige Stoel, die institutionele entiteit verteenwoordig deur die Pous, die Biskop van Rome, en daarom ook die hoof ekklesiale setel van die Rooms-Katolieke Kerk van beide die ooste en die weste.
[wysig] Bevolking
Sowat 550 van die 900 mense, wat in Vatikaanstad bly, het Vatikaane burgerskap (waaronder sowat 110 lede van die Switserse Garde, wat tydelike Vatikaanse burgers is, en vyftig ander nie-geestelikes).
Vatikaanse burgerskap word net tydelik verleen en is steeds aan die pos gekoppel, wat 'n burger in Vatikaanstad beklee. Dit vervang ook nooit die "natuurlike" burgerskap nie en word toegeken aan leidende verteenwoordigers van die kurie, ledevan die Switserse Garde, kardinale, wat in Rome of Vatikaanstad woon, en persone, wat hulle permanente woonplek met toestemming van die Pous in Vatikaanstad het.
Sowat veertig persent van die Vatikaanse burgers bly egter nie in Vatikaanstad nie. Dit is meestal lede van die pouslike gesantskappe in die buiteland, aan wie tydens hulle ampstermyn ook Vatikaanse burgerskap toegeken word. Vatikaanstad reik slegs diplomatieke paspoorte uit.
Daar is sowat 3 000 werknemers in Vatikaanstad, soos byvoorbeeld lede van die administrasie, verkopers, restourateurs, kokke, kantoorwerkers, drukkers, mense in diens van die Vatikaanse bank of skoonmakers, wat gewoonlik nie in Vatikaanstad woon nie.
Die amptelike taal van Vatikaanstad is Latyn. Daarnaas word Italiaans en soms ook ander tale vir persoonlike onderhoude, publikasies en die Vatikaanse radio- en televisiediens gebruik. Die Switserse Garde gebruik Duits as hulle taal. Die amptelike webwerf van Vatikaanstad is in Italiaans, Duits, Engels, Frans, Spaans en Portugees beskikbaar.
