Bespreking:Tuisblad

vanuit Wikipedia, die vrye ensiklopedie.

Om die voorblad te verfris sodat sjablone en veranderlikes opgedateer word, klik gerus hier.

---

Argiewe:

• 2004-12-23
• 2006-05-04

Inhoud 1 Soekenjins 1.1 Suid-Afrika se gunsteling soektogte 2 'verleen' i.p.v. 'ontleen' 3 woordkeuses 4 Oos-Kaaps Afrikaans 5 Uitleg 6 Invoeging van rangorde van Afrikaans op die Wikimedia-lys 7 Daaglikse wenk denk 8 Ander tale 9 Uitlegprobleem 10 Sjablone 11 Wikiversity 12 Oogsere 13 Afrikaanse l10n-lêers van MediaWiki 14 Hierdie dag in die geskiedenis (20 November 2006)

[wysig] Soekenjins

Ek het bietjie gekyk waar hierdie voorblad van ons staan by 'n paar soekenjins as mens soek vir "Afrikaans":

• google: 8ste, 9de of 17de afhangend van.... iets (?) (ek het met verskillende blaaiers en verskillende rekenaars probeer)
• yahoo: 3de
• AskJeeves: nie in die eerste 50 nie.
• Altavista: 1ste
• MSN: nie in eerste 50 nie.
• clusty: nie in eerste 50 nie.

Wat my opval hiervan is dat ons regtig goed doen by drie van die ses, en glad nie voorkom by die ander nie (aangesien ons so goed doen by die ander, neem ek aan dat ons glad nie figureer by die swakker drie nie). Dit het my laat wonder hoekom dit so is. Die wetenskap van soekenjinoptimering is natuurlik 'n komplekse wetenskap, maar ek dog toe dat ek ten minste aan een rede kan dink: die woord "Afrikaans" kom nêrens op die blad voor nie! Nou wil ek voorstelle vra vir hoe ons die woord "Afrikaans" êrens kan inwerk. Dit moet keurig en natuurlik wees - wat moeilik is. Ons het reeds vir onsself gewys dat "Afrikaanse" meer natuurlik is op die manier wat ons dit wil gebruik. Ek sal graag die verbetering oor 'n paar maande wil sien. Soektogte binne .za of aardvark se "africa"-soektog lewer natuurlik niks nie. Miskien moet ons begin dink aan 'n Suid-Afrikaanse domeinnaam. --Alias 21:07, 15 Februarie 2006 (UTC)

Ja die soektog resultate is vreemd ek wonder of almal se soekenjins werwe waar die inhoud op databasisse lê ewe goed hanteer. Ek het vir interresantheid egter soekfrases as gevolg in google gebruik en die volgende resultaat gekry:

• "chemie afrikaans": Nommer 1
• "Formule Een": Nommer 2
• "fisika afrikaans": Nommer 1
• "aardrykskunde": Nommer 1
• "periodieke tabel": Nommer 2
• "wiskunde afrikaans": Nommer 1

By MSN:

• "chemie afrikaans": Nommer 11 (nommer 1 is cs artikel by wikipedia met skakel na Afrikaans)
• "Formule Een":Kom by ander tale wikipedia artikels op tweede bladsy.
• "fisika afrikaans": Nommer 6 met skakels na ander wikipedia artikels met af interwikis hoër op.
• "aardrykskunde": Nommer 9
• "periodieke tabel":Nommer 13 (nie direkte skakel nie)
• "wiskunde afrikaans":Nommer 35 (na tuisblad)

Daar is duidelik 'n groot verskil tussen die algoritmes wat gebruik word. Google is duidelik meer vriendelik. --RM 00:35, 16 Februarie 2006 (UTC)

Google en yahoo het ons weer besoek op 27 Februarie, en die resultate lyk nie beter nie. Dit lyk asof ons relatief verswak het ten opsigte van die ander werwe met sowat een plek by google, yahoo is onverandert. Ons moet maar wag en kyk of die ander ook een of ander tyd hier langs kom. --Alias 22:25, 1 Maart 2006 (UTC)

Die resultate van Google is sterk afhanklik van die taal wat jou blaaier opvraag, selfs as jy geen taalfiltering gebruik nie, word treffers in jou eie taal bevoordeel. Bygevolg wyk my resultate 'n bietjie af:

"afrikaans": Nommer 6 (Tuisblad)

"chemie afrikaans": Nommer 1

"formule een": Nommer 3

"fisika afrikaans": Nommer 1

"aardrykskunde": Nommer 1

"periodieke tabel": Nommer 2

"wiskunde afrikaans": Nommer 2

Danielm 19:34, 28 Maart 2006 (UTC)

Die volgende skakels mag nuttig wees in pogings om ons Googlerang te verbeter (ek gebruik self nooit ander soek enjins nie so dis vir my die belangrikste):

• http://www.google.com/technology/ - hiervolgens hang dit hoofsaaklik af van hoeveel ander webbladsye na jou toe skakel. Dit gaan nie net oor die aantal bladsy nie, maar ook hoe belangrik die bladsye is - waar belangrikheid op dieselfde manier gemeet word. So as ons 'n paar gewilde webplekke kan kry om na die Tuisblad te skakel gaan ons beter doen.
• http://wolfram.org/writing/howto/3.html - bevestig bogenoemde en verduidleik hoe mens te werk kan gaan om op te skuif.
• http://www.opentracker.net/en/articles/improve-google-ranking.jsp meer breedvoerige bespreking van die aangeleenthede
• http://www.thesitewizard.com/archive/google.shtml - Spesfieke raad in Towenaar (Engels: Wizard) formaat

Behalwe vir soekenjins vermoed ek 'n ander baie belanrike manier hoe mense op dioe Afrikaanse wikipedia afkom van die Engelse wikipedia is. Wikipedia self doen nou so goed dat mense gereeld daar vir inligting gaan kyk. As ons dan wel 'n interwikiskakel op die gewildste bladsye het gaan ons goed doen. Wikipedia meet nie meer gewildheid nie maar as ek reg onthou is dit maar die "ususual suspects" - seks, dwelms en ruk-en-rol... mens kan moontlik by google gaan kyk waarin die wêreld tans belangstel - en dalk self waarin Afrikaans sprekendes belangstel. Laurens 08:52, 29 Maart 2006 (UTC)

Ook interessant is die Pagerank Predictor, http://www.rustybrick.com/pagerank-prediction.php Ons het reeds Pagerank 7; dit is goed en ons gaan dit nie spoedig verbeter nie, nl: is slegs enkele maande gelede van 7 na 8 gegaan. Eerder 'n probleem is dat die predictor geen groei voorspel nie, ons moet duidelik meer skakels na af: kryg. Danielm 09:13, 29 Maart 2006 (UTC)

Vanoggend tik ek weer "afrikaans" in by google en die voorblad land heel bo! Laat ons vier! --Alias 06:59, 19 April 2006 (UTC)

Goed, bietjie meer realisme, op ander rekenaars en blaaiers is ons wel nog soms by 5/6. Nou ook bietjie beter by yahoo: tweede op een rekenaar, op 'n ander lyk die resultate bietjie snaaks, maar lyk ook na omtrent tweede. Steeds niks by msn, aksjeeves of clusty nie. --Alias 07:13, 19 April 2006 (UTC)

[wysig] Suid-Afrika se gunsteling soektogte

Volgens Google Zeitgeist] is Suid-Afrika se gewildste soekwoorde in Februarie:

1. Absa
2. Paris Hilton
3. Vodacom
4. jobs
5. Unisa
6. Standard Bank
7. valentine
8. love
9. fnb.co.za
10. Jessica Alba
11. 50 cent
12. Nedbank
13. Kulula
14. Valentines day

Terwyl die wêreld die week belangstel in:

1. St. Patrick's day
2. Channing Tatum
3. V for vendetta
4. ncaa
5. Tara Rose Mcavoy
6. Spencer Tunick
7. Natalie Portman
8. Oblivion
9. Terrell Owens
10. Ides of March
11. Scientology
12. She's the man
13. March madness
14. Will Ferrell
15. Shannon Elizabeth

Interessant dat al 30 rooi skakels is... Laurens 11:53, 29 Maart 2006 (UTC)

Nie meer nie. Ek het sover artikels gemaak oor Paris Hilton en Absa Bank. Ek was verveeld so toe besluit ek om so bietjie op die Afrikaanse Wikipedia rond te speel... Ek is nie by die skool nie want ek's siek. Ek't die goed net so uit Engels oorvertaal so dit sal cool wees as iemand dit so bietjie kan Afrikaniseer. --Adriaan 1 11:10, 1 September 2006 (UTC)

Hier is die nuutste resultate vir soektogte uit Suid-Afrika vir Julie 2006:

1. absa
2. vodacom
3. cristiano ronaldo
4. world cup 2006
5. paris hilton
6. standard bank
7. news24
8. unisa
9. sars
10. jobs
11. nokia
12. nedbank
13. vodacom4me
14. iol
15. mig33

Ek wonder wat dit is met Suid-Afrikaners en Absa... --Adriaan 1 13:29, 1 September 2006 (UTC)

Ek het ook artikels oor 50 Cent en Vodacom gemaak. Lg het baie tyd gevat! Elk geval, kyk hoe ver jy dit moontlik kan uitbrei... --Adriaan 1 18:14, 1 September 2006 (UTC)

[wysig] 'verleen' i.p.v. 'ontleen'

By die stukkie oor Tafelberg: moet 'ontleen' nie in 'verleen' verander word nie? As ek dit reg verstaan is die sterrebeeld na die berg vernoem en nie die berg na die sterrebeeld nie. Of is ek nou verkeerd? Groete, Agie.

Haai Agie. Ons het nou al 'n keer of wat hieroor gepraat, en ek was doodseker, maar het gou weer in die woordeboek gekyk. Jy is voorwaar reg! Dit is anders om. Mensa ontleen sy naam aan Tafelberg. Sluit gerus by ons aan! --Alias 12:31, 2 Maart 2006 (UTC)

[wysig] woordkeuses

Ja sekerlik moet dit 'verleen' wees. Miskien voorheen bespreek, maar 'n paar ander op die tuisblad val beslis op en verdien miskien bietjie aandag: 'Doen': Wat van 'Roep', 'Gaan' of 'Artikel', of ander, 'Cite this article': moet een of ander tyd vertaal word, 'Teken in': eerder 'Meld aan', soos iemand voorgestel het, 'Teken uit': Miskien 'Teken af', 'vanuit Wikipedia': 'in Wikipedia, die vrye ensiklopedie', en die punt aan die einde kan maar gelaat word, want dit is nie 'n sin nie. JMK 10:15, 4 Maart 2006 (UTC)

[wysig] Oos-Kaaps Afrikaans

Kan iemand my sê wat spesifiek Oos-Kaaps Afrikaans is, wat se woorde word hierin gebruik wat niet in Standaard-Afrikaans (Stannerd-Afrikaans) gebruik word nie? Ek woon self in die Oos-Kaap, en ek weet nie of ek nou Standaard-Afrikaans of Oos-Kaaps Afrikaans praat. Hieronder (hieronner) 'n samevatting van my uitspraak:

Waantoe 't julle gegan, en wanner het jille geloop? so 5 minute terug was jille nog hi' gewees... ek'et jou gesê daai ou is slegte nuus, hy begin sommer almal te tjoen hulle is varke... Ons'et urelang na jille gesoek ma' jille sê vi' niemand dat jille êrens-toe gegan het 'ie.

Dankie vir die hulp! Servien 19:06, 28 Maart 2006 (UTC)

Klink vir my na Swartland-Afrikaans. Maar dis tien teen een dieselfde ding. --Adriaan 1 16:40, 3 September 2006 (UTC)

[wysig] Uitleg

Elke nou-en-dan het ons maar 'n bespreking oor die voorblad. Ek wil hoofsaaklik 'n paar kleiner veranderinge maak en hoor graag wat almal dink. 'n Groot deel daarvan is in 'n poging om meer afdelings te vertoon met die eerste blik wat 'n leser kry.

• Die grootste verandering wat ek wil maak is om weg te kom van Sjabloon:Tuisbladindeks en net enkele skakels na die hoëvlakkategorieë in Kategorie:Alles te maak. Ek wil graag dat ons die kategorisering ernstig neem in dit goed doen. Dit is natuurlik 'n deurlopende aktiwiteit, maar ek dink dit is 'n beter manier om in die ensiklopedie in te kom. Van die huidige artikels op Sjabloon:Tuisbladindeks is van ons slegste artikels en verdien nie om as eerste treë in die ensiklopedie te pryk nie.
• Ek het ook veranderinge gemaak aan Sjabloon:TuisbladLinks en nog voorstelle daar gemaak.
• Ek sal graag weer my vorige stem vír 'n "Aktueel"-afdeling of so-iets wil opper. Slegs _enkele_ skakels na dinge in die nuus. Nie dag-tot-dag-nuus nie, maar meer dinge wat vir langer aanhou, vir nou (vroeg in April 2006) kan mens miskien dinge hê soos "Jacob Zuma · verkragting". 'n Rukkie terug dalk statebondspele, vroeër verkiesing · Irak ens. - die tipe van ding wat nie te veel werk gaan vat nie. Ek stel ook steeds voor dat die artikel nie hoef te bestaan nie - dit kan mense lekker uitlok.
• In dieselfde asem stem ek altyd vir 'n korter opsomming van die artikel van die week asook eerder minder by die herdenking (soos wat dit nou in April is).
• Die inleidingsblokkie: Ek sal dit graag bietjie korter wil bewoord en 'n skakel na die susterprojekte en miskien "ander tale" laer op die blad wil sit (anders kom mense dalk nooit by die onderkant van die blad om dit te sien nie).

--Alias 09:43, 5 April 2006 (UTC)

Jou idees klink vir my goed. Ek sal ook graag wil sien dat nuwe gebruiers eerder met ons spogartikels kennis maak alvorens hulle al die swakkes ontdek :) --RM 11:52, 6 April 2006 (UTC)

Sien asb Gebruiker:Alias/Voorblad asook die ouer weergawes, veral hierdie ene. Ek het op klomp blaaiers en met verskillende skermresolusies probeer en nie een lyk altyd goed nie. Hou in gedagte dat ek waarskynlik "Het u geweet..." sal wil groter maak met een ekstra item, en dat die Kategorieë met tyd dalk nog 'n klein bietjie kan groei. Speel asb. bietjie daarmee en los kommentaar by Gebruikerbespreking:Alias/Voorblad (of hier ?) of by die betrokke sjabloon, watookal. Ek sal graag wil weet van uitlegprobleme wat mense met verskillende harde-/sagteware het. Probeer om dit elke dag gou te kyk met die verandering van die daaglikse herdenking. --Alias 12:21, 13 April 2006 (UTC)

Goed. Ek sal graag binne 'n dag of wat my nuwe blad wil inbring as daar nie besware is nie. Die huidige blad het nie 'n mooi uitleg op die oomblik nie (veral aan die regterkant). Ek wou ook nog 'n gedagte opper: Ek sou verkies dat ons die blad van nou af "Voorblad" noem, soos die voorblad van 'n boek, of iets. Tuisblad was nog altyd vir my 'n bietjie van 'n direkte vertaling van "Homepage" - 'n Engelse woord wat ook nie vir my mooi geval nie. Ek hoor graag wat almal dink. --Alias 20:02, 18 April 2006 (UTC)

Hierdie aktuele afdeling ding is 'n goeie idee, maar die inligting moenie verwyder word nadat dit verby is nie. As mense oor 'n honderd jaar daaroor wil naslaan werk doen, moet hulle steeds Wikipedia kan gebruik. Ons verwyder bv. nie ou gebeurtenisse soos oorloë van Wikipedia nie. --Adriaan 1 21:52, 1 September 2006 (UTC)

[wysig] Invoeging van rangorde van Afrikaans op die Wikimedia-lys

Wat dink julle daarvan dat ons die volgende statistiese brokkie op die Welkom by... kassie op een of ander formaat byvoeg: Afrikaans is tans nommer 51 op die lys van die 229 tale van Wikipedia, en die taal in posisie nommer 50, genaamd wat ook al die geval mag wees het tans net meer as sê nou maar 20 artikels as ons? Die data is verkrygbaar by Wikimedia onder die titel List of Wikipedias - Nomdeplume 01:09, 6 April 2006 (UTC)

Kan dalk werk - mense se inherente kompeterende drang aanwakker en sodoende meer aktiewe bydraes kry. Ek is net bang dat die fokus op die aantal artikels die kwaliteit kan skade berokken. --RM 11:50, 6 April 2006 (UTC)

Dis 'n oulike idee, maar ek gaan ook bietjie pesimisties wees en sê dat ek dink dit ons dalk eerder in die verkeerde rigting gaan stuur. Ek verkies 'n ensiklopedie met 5000 goeie artikels as een met 10000 waarvan 5000 goed is. Maar laat ons nie die idee vergeet nie! --Alias 12:28, 13 April 2006 (UTC)

Sekere mense, soos die veterane hier, kan goeie artikels skryf, terwyl ander swak artikels kan skryf. Hoe meer hoe beter. Ons almal kan help om veranderings aan elke artikel aan te bring om sodoende die gehalte daarvan te verbeter. Ek dink nie dis 'n slegte idee om 'n klomp opgewonde noobs hiern'toe te lok nie. Hulle begin die artikels, wat vir ons sal dwing om goeie navorsing te doen en die artikels te verbeter. Ook, baie kompeterende mense is goeie artikelskrywers, en sommige artikels het nie baie in die kop nodig nie, byvoorbeeld artikels oor TV kinderprogramme of sulke goed. Hou net matigheid voor oë, dis die gou reël. Mense wat die Wikipedia misbruik kan altyd geblock word. --Adriaan 1 15:36, 2 September 2006 (UTC)

[wysig] Daaglikse wenk denk

Sjabloon:Tip of the day Hierdie is een vir 'n Sateware-Ingenieur Groete Gregorydavid 10:49, 11 Mei 2006 (UTC)

Ek sukkel voortdurend om jou te verstaan, Gregorydavid. Hier verstaan ek weereens gladnie. As dit 'n versoek is, skryf asseblief die versoek in volsinne in Standaardafrikaans. Daar is van tyd tot tyd wenke op die voorblad onder "Het u geweet..." --Alias 11:12, 11 Mei 2006 (UTC)

Hi, ek wou sien of die stelsel resultate lewer as ek die engelse weergawe gebruik.., maar ek sien dit is 'n rooikoppel. Toe dink ek Jannetta sal weet om die "Tip of the day" in afrikaans te aktiveer. Gregorydavid 09:53, 12 Mei 2006 (UTC)

[wysig] Ander tale

Weet hierdie is 'n baie klein puntjie, maar dit het te make met die benaming van die twee Noorse tale op die voorblad. Amptelik (in Noorweë) geniet hulle gelyke status, dus is dit verkeerd om na die een as Noors en die ander as Nynorsk te verwys. Die korrekte name is Bokmål en Nynorsk, onderskeidelik. Die kollektiewe benaming van alle dialekte (maw sowel die wat in Nynorsk as in Bokmål geskryf word) is "norsk" (Noors). Moontlik ter wille van duidelikheid Noors (Bokmål) en Noors (Nynorsk) op die voorblad? -- Silvicultrix 18 Mei 2006, 22:30

Raak beskryf, Silvicultrix. Die voorblad is ongelukkig bietjie moeiliker om te wysig ter wille van beskerming teen vandalisme. Die betrokke sjabloon wat gewysigig moet word is Sjabloon:TuisbladLinks. Ek dink die idee is goed so. Doen dit gerus. --Alias 20:39, 18 Mei 2006 (UTC)

Nynorsk betekent Nieuw Noors en kan gerust vertaald worden. Danielm 08:59, 19 Mei 2006 (UTC)

Nynorsk beteken wel Nuwe Noors, maar ek dink nie dit behoort vertaal te word nie, want dan moet Bokmål ook vertaal word met iets soos "Boektaal", wat onduidelik is en die verkeerde indruk skep, aangesien Bokmål wel min of meer gepraat word (of die dialek in die Oslo-area is baie na die geskrewe taal), terwyl Nynorsk nie as sulks gepraat word nie, en eerder 'n skryftaal vir 'n aantal dialekte is. En om na Bokmål slegs as Noors te verwys herhaal bloot die fout wat ek oorspronklik wou regstel.--Silvicultrix 12:32, 19 Mei 2006 (UTC)

Hmmm... ek het begryp (van 'n Noorse spreker, gebruiker:Noorse) dat Bokmål geen betekenis het en Nynorks wel. Naja dit maak my weinig uit verder. Danielm 13:25, 19 Mei 2006 (UTC)

My stem sal wees dat ons hou by Bokmål en Nynorsk. Laurens 16:09, 19 Mei 2006 (UTC)

[wysig] Uitlegprobleem

Kan iemand dalk help? Daar is die afgelope paar dae, waarskynlik vanaf 1 Junie 'n uitlegprobleem: daar is onnodige spasie bokant die datum onder die opsrkif "Hierdie dag in die geskiedenis". Dit rek die tabel onnodig uit en lyk vir my nogal sleg. Ek het net nie nou tyd om daaraan aandag te gee nie, en kon nie dadelik die probleem opspoor nie. --Alias 06:33, 5 Junie 2006 (UTC)

[wysig] Sjablone

Omdat ek dit nogig gehad het in die artikels wat ek geskep het, het ek 'n paar sjablone gemaak. Indien iemand belang gestel het om dit dalk ook te gebruik, sit ek dit nou hier:

Bronteks	Veroorsaak
{{band-saadjie}}	Hierdie artikel oor 'n band of ander musiek-verwante instelling is 'n saadjie. U kan help deur dit uit te brei.
{{Infobox Band}}	Moet self veranderlikes invul
{{Infobox Maatskappy}}	Moet self veranderlikes invul
{{saadjie}}	Hierdie artikel is 'n saadjie. Voel vry om Wikipedia te help deur dit uit te brei.
{{SuidAfrika-saadjie}}	Hierdie Suid-Afrika-verwante artikel is 'n saadjie. U kan help deur dit uit te brei.
{{Telekom-saadjie}}	Hierdie Telekommunikasie-verwante artikel is 'n saadjie. U kan help deur dit uit te brei. en:template:telecom-stub en:template:com-stub

As enigiemand iets hieraan wil verander, message vir my sodat ek daaraan kan aandag gee. Dankie. My tabel is so bietjie vertraag, dalk kan iemand dit regmaak? Elk geval... --Adriaan 1 18:14, 1 September 2006 (UTC)

Toemaar, daar was fout met die eerste templaat. Het self reggekom... --Adriaan 1 18:21, 1 September 2006 (UTC)

Hierdie bladsy is vir die bespreking van die voorblad. Skuif asseblief hierdie na Wikipedia:Lys van sjablone. --20:09, 1 September 2006 (UTC) —Die voorafgaande anonieme kommentaar is gelewer deur Alias (Bespreking • Bydraes) .

Is dit net ek, of is daar baie besprekings hier wat niks uit te waai het met die voorblad nie? Elk geval, niemand gaan dit op die sjablone lys bladsy lees nie, so as jy 'n probleem het hiermee, delete dit. --Adriaan 1 20:30, 1 September 2006 (UTC)

Daar is inderdaad 'n klomp ander besprekings hier, en dit is hoekom ek die opmerking maak. Dit maak dit makliker om besprekings te kry as dit op die plek is waar 'n mens dit verwag. Daar is skakels na die lys in die gebruikersportaal onder die opskrif "Sjablone" en by Wikipedia:Sjabloon. As niemand dit op die lys van sjablone gaan sien nie, moet ons bespreek hoe ons dinge kan verbeter sodat mense dit wel kry. --Alias 20:46, 1 September 2006 (UTC)

Uhm ok. --Adriaan 1 20:54, 1 September 2006 (UTC)

[wysig] Wikiversity

Wikiversity is een nieuw zusterproject van Wikimedia. Misschien een goed idee om deze toe te voegen bij "Susterprojekte". Vrystyl 10:03, 8 September 2006 (UTC)

[wysig] Oogsere

Deur skakels in die Afrikaanse Wikipedia nie te onderstreep nie sal dit die algehele voorkoms van Wikipedia aansienlik verbeter. Sien die Engelse Wikipedia en neem waar hoeveel beter dit lyk as skakels net blou is sonder om geonderstreep te word. Ek weet nie wie is in beheer van die voorkoms van Wikipedia nie, maar daardie persoon kan gerus lig op die saak werp. --Adriaan 1 14:39, 3 Oktober 2006 (UTC)

Dankie vir die opmerking, Adriaan. Die probleem met die onderstreping is hoofsaaklik sigbaar op die voorblad en hoofsaaklik op kleiner skerms. Ek het al baie probeer om dinge te verbeter, maar ek besef dinge lyk nie altyd te goed nie. Op vandag (3 Oktober) neem ek aan jy verwys na die uitleg van bv. die teks "Demokratiese Republiek" (dit lyk sleg hier by my). Die probleem is tot 'n mate 'n probleem met blaaiers - die probleem manifesteer byvoorbeeld nie met Opera nie omdat dit lyne breek by koppeltekens. Daar is oplossings deur afkappingspunte in te voeg, en ek het dit al per geleentheid gedoen met voorbladinhoud, maar nie alle blaaiers ondersteun dit nie. Vir my is die voordele van onderstreepte skakels dat mens duidelik kan sien wat die artikel(s) is waarna geskakel word. Ek noem dit net. Ons moet maar kyk wat mense se opinie is. --Alias 16:26, 3 Oktober 2006 (UTC)

Ek bedoel maar net oor die algemeen. Volgens my lyk blou woorde meer sag op die oog as wanneer dit nog ook geonderstreep is. Dit maak dit lyk asof die bladsy opgeklotter is as jy die heeltyd net 'n klomp strepe sien. --Adriaan 1 18:09, 3 Oktober 2006 (UTC)

Ek het voorheen nie juis die onderstreping opgemerk nie maar ek moet sê die Eneglse wiki se skakels lyk vir my baie mooier sonder die onderstreping. Kan ons dit dalk hier oorweeg? Laurens 07:39, 4 Oktober 2006 (UTC)

[wysig] Afrikaanse l10n-lêers van MediaWiki

(geskuif na die geselshoekie waar algemene gesprekke soos hierdie gewoonlik plaasvind). --Alias 12:47, 27 Oktober 2006 (UTC)

[wysig] Hierdie dag in die geskiedenis (20 November 2006)

Asseblief tog, mense! Wie ook al verantwoordelik is vir die taalkundige versorging van die voorblad moet oorwerk wees: die gogga dooie villagers is nie uit te houe nie. Maak tog reg asseblief. Dit lyk nie mooi nie, nie vir dorpenaars nie, en ook nie vir stedelinge nie. :)

Die ironie is dat as u self deelgeneem het dit u minder moeite sou kos om dit reg te maak as om hierdie kommentaar neer te pen. Onthou asseblief dat hierdie 'n vrywilligerpoging is en ongelukkig is daar slegs 'n klein handjievol (dis nou een handvol) aktiewe deelnemers. Die afrikaanse wikipedia het die afgelope tyd heelwat posisies op die ranglys gesak. Ons het beslis meer deelnemers nodig en minder kritici wat op die kantlyn staan. --RM 07:24, 21 November 2006 (UTC)

Die verantwoordelike persoon is inderdaad oorwerk of gewoon nie meer hier nie. Spring gerus in - ons het elkeen se poging nodig. Sien Wikipedia:Uitgesoekte herdenkings as beginpunt om aan daardies te werk. Dit sal oulik wees as ons telkens 'n paar dae vooruit kan werk om seker te maak dat hulle van hoë kwaliteit is. Dit is 'n maklike manier om 'n paar minute per dag op 'n produktiewe en kreatiewe manier te gebruik. --Alias 07:50, 21 November 2006 (UTC)