Pan-Afrika kleure
vanuit Wikipedia, die vrye ensiklopedie.
Twee stelle van drie kleure word na verwys as die Pan-Afrika kleure.
Die term "Pan-Afrika kleure" verwys soms na groen, goud en rooi. Die kleure word nou gevind op die vlae van baie Afrika lande, en het hulle oorsprong in Ethiopië, waarvandaan hulle verwant is aan die Rastafariese beweging. Dit is op baie antieke Afrika vlae gebruik - noemenswaardig in die verband was hulle deel van die bloeisel wat op die vlag van Granada, die Moorse staat in Spanje vesrkyn het. Die kleure verskyn mees prominent op die 1798 vlag van Abissinië, met die groen aan die onderkant; dit is egter per ongeluk onderstebo gehang by 'n staatsplegtigheid en die tradisie is deur die Ethiopiese regering en verskeie Afrika state, sowel as deur Pan-Afrikanistiese organisasies oral in die wêreld aangeneem. Die vlae word nou alledaags met groen bo (of voor) geel, en rooi aan die onderkant (of aan die agterkant) van die vlag gesien.
Behalwe vir 'n kort tydperk van besetting deur Italië onder die Fasciste, het Ethiopië buite Europese beheer gebly tydens die koloniala era, en is dus deur die nuut-onafhanklike state in Afrika bewonder. Die aanemening van die Ethiopiese nasionale kleure is 'n gevolg hiervan. Die eerste Afrika staat om rooi, goud en groen vir die land se vlag aan te neem op omafhanklikheidswording is Ghana in 1957.
Volgens die UNIA grondwet is die Pan-Afrika kleure rooi, swart en groen, "rooi verteenwoordig die edel bloed wat al die mense van Afrika afkoms verenig, die swart kleur vir swart mesne waarvan die waardigheid deur die bestaan van die vlag gehandhaaf word, groen vir die oorvloedige natuur rykdom van die Moederland, Afrika." Die UNIA vlag, wat hier gesien kan word, is aangewys as die amptelike kleure van die Afrika Ras deur die UNIA by sy byeenkoms in Madison Square Garden op 13 Augustus 1920 in New York Stad.
Die volgende lande kombineer drie tot vier van rooi, swart, groen, en geel in hulle vlae as verteenwoordigend van hulle Afrika identiteit.
- Angola
- Benin
- Burkina Faso
- Kameroen
- Sentraal-Afrikaanse Republiek
- Republiek van die Kongo (Brazzaville)
- Dominica
- Ethiopië
- Ghana
- Grenada
- Guinee
- Guinee-Bissau
- Guyana
- Jamaica
- Mali
- Mosambiek
- Saint Kitts en Nevis
- Senegal
- Suid-Afrika
- Togo
- Zambië
- Zimbabwe
[wysig] Kyk ook
- Pan-Slaviese kleure
- Pan-Arabiese kleure
- Rooi, swart en groen vlag
- Republiek van Nieu Afrika
