Kerguelenkool
vanuit Wikipedia, die vrye ensiklopedie.
Kerguelenkool (Pringlea antiscorbutica) is 'n blomplant in die familie brassicaceae en is dus verwant aan kool. Die spesie groei op Heardeiland en die McDonaldeilande, die Crozet-, Prince Edward-, Marion- en die Kergueleneilande. Dié afgeleë rotseilande is rofweg by die 50º Suid breedtegraad geleë en word konstant deur sterk winde getref. Die Kerguelenkool is gevolglik selfbestuiwend aangesien vlieënde insekte nie in die omstandighede kan oorleef nie.
Die plant is eetbaar en bevat hoë hoeveelhede kalium. Die blare bevat 'n Vitamien-C-ryk olie, 'n eienskap wat dit in die tyd van seilskepe baie aantreklik onder matrose wat aan skeurbuik gely het gemaak het.
