Priyires del djournêye
Èn årtike di Wikipedia.
Po les crustins et les moslimîs, i gn a sacwants moumints del djournêye cwand i fåt priyî.
Po les moslimîs i gn a 5; po les crustins 7.
[candjî] Po les crustins
Po les crustins, i gn a 7 priyires k' i fåt dire tins del djournêye, mins i gn a ki les moennes et les curés ki sont-st oblidjîs. Po les catolikes romins, dispoy li 2inme concile då Vatican, i polnut dire seulmint 5, come les moslimîs.
Les 7 priyires crustenes del djournêye sont:
- li priyire del vesprêye (u vepes), al vesprêye;
- li priyire di l' après-rciner (u compleyes), après l' soper;
- les matenes, foirt timpe;
- les lôdes avou l' prime, å matén;
- li tice, etur 7 et 9 eures å matén;
- li sesse, etur 9 eures et l' nonne;
- li nonne, etur nonne et l' vesprêye.
Les curés catolikes polnut leyî foû: li prime et ene des troes dierinnes.
I gn a eto des moennes ki s'lomnut «woeyants» u copurade «les cis ki n' doimnut nén» (grek ακημήτης- akémétés), ki priynut 24 côps tos les djoûs, et ki, del nute, si levnut a totes les eures po priyî.
