Lucien Somme
Èn årtike di Wikipedia.
Lucien Somme a skepyî e 1932. C' esteut on scrijheu e walon et bouteu pol walon do payis d' Nameur. Il a scrît aprume des arimeas (Veye di djin, 1968).
I dvént rade li droet bresse da Lucien Léonard, et l' aidî a ramexhner l' antolodjeye “Fleurs dialectales” (1974). I dvént prezidint des Relîs Namurwès e 1989, et cmincî a-z adjinçner des scoles di walon (1995).
Termetant, i boute so on rarindjmint alfabetike do motî walon ideyolodjike da Léonard, ki c' esteut målåjhey d' î cweri après åk. Il est coplé pa Chantal Denis. Et ci serè li “Live di mots d' après Nameur et avårla” (1997), li prumî gros motî walon avou on no e walon.
Moussî a djonds pîs e 21inme sieke, avou l' idêye kel walon î a co ene plaece, po raconter kimint çk' on-z î vike, vo l' la, ki s' mete a scrire tote ene riguilete di romans, onk pa an :
- On djoû nûlêye, on djoû solea (2001).
- Tereze (2002).
- Ch@rlote.com (2003),
- Li dierin des catîs (2003).
- Li tåvlêye do diale (2005).
I rascodèt des pris totavå.
Di s' mestî, il esteut cler di notåre.
Il a stî rprin dins l' antolodjeye «Scrire».
