Les Rivires

Èn årtike di Wikipedia.

Les Rivires, c' est on viyaedje di France, (e francès Les Hautes-Rivières), e dipårtumint des Årdenes, djusse dilé l' frontire bedje, a 6 km di Bôhan. Gn a eto ene voye k' î va ki vént del Pitite Louwate.

Limero del posse: F-08800 Nombe di djins: 1947 (1999).

Ådvins

1 Djeyografeye
- 1.1 Aiwes
- 1.2 Hamteas des Rivires
2 Tuzance
- 2.1 Lingaedje do payis
  - 2.1.1 Classifiaedje
  - 2.1.2 Vicansté
- 2.2 Viyès uzances
3 Economeye
4 Hårdêye difoûtrinne

[candjî] Djeyografeye

[candjî] Aiwes

Les rivires sont raiweyes pal Simwès. C' est l' seule grande aiwe k' î court. Si rçût ele li Ruxhea Sint-Djhan ki vént del Pitite Louwete.

Li mot "rivire", å pluriyal, åreut purade li sinse di "Les Frontires.

[candjî] Hamteas des Rivires

a Sroda (e francès Sorendal): viyaedje ki tént avou les Rivires minme. Dinltins, c' esteut l' dwane sol voye Bôhan-Les Rivires.
Lintchamp (e francès Linchamps): hamtea d' 200 djins, metou sol Ruxhea d' Sint-Djhan. Dinltins, c' esteut l' dwane sol voye Li Ptite Louwete-Les Rivires.
Li Nouve Veye ås Hés (e francès La Neuville-aux-Haies): pitit viyaedje di viyès måjhones rarindjeyes pa des djins del Veye.
Les Echamaux: (2 måjhons).

[candjî] Tuzance

[candjî] Lingaedje do payis

[candjî] Classifiaedje

Come a Bôhan, c' est foirt maxhî come lingaedje, avou:

des piceures walones:
- Sabaye (sobayî) s' il est po ploure ?
- Vikèt i co ? (Vicatico)
- Ene moye di four (môⁿye)
- Cawete -ire di "Rivires".
des piceures tchampnwesses.
- Betchete et cawete di Les Échamôs.

Li lingaedje est co åjhey a comprinde po on Walon del Basse-Årdene.

[candjî] Vicansté

Gn a pus k' ene dijhinne di djins, k' ont dipus d' 70 ans, ki djåzèt l' lingaedje do viyaedje. Leus efants coprindèt mins nel djåzèt nén.

[candjî] Viyès uzances

Gn a ene pire a sôder.

[candjî] Economeye

A pårti do 18inme sieke et disk' al guere di 1914-1918, gn aveut la bråmint des clawtîs, k' avént tchaeke leu botike (c' est come ça k' i lomént leu ovroe).

A pårti di 1920, avou l' arivêye do corant electrike, des ptitès societés ont stî ahivêyes al plaece des clawtîs, todi dins l' fier (fabricåcion di pîces di machine, aprume po les otos). E 2004, gn a co 20 oujhenes k' eployèt 1000 ovrîs.