Coneu
Èn årtike di Wikipedia.
Coneu (fr: Conneux) est èn ancyin ptit ban del Walonreye rebané avou Cînè, el province di Nameur. L' etimolodjeye do no vént do latén collinetum.
- Limero del posse: 5590 (vî limero 5307)
- Limero diyalectolodjike: D 55
- Arondixhmint: Dinant
[candjî] Istwere
Les bokets d' rominnès panes ritrovés a Coneu mostrèt ki l' eplaeçmint do viyaedje a stî foirt vite ocupé, et ça do fwait ki s' relief li rindéve foirt åjhey a l' disfinde et k' i gn aveut bråmint des bounès teres tot åtoû.
E 747 on fwait ddja mincion di Coneu dins l' donåcion do Maire do Palå Carloman åzès moennes di Ståvleu.
Dins l' prumire mitan do 12inme sieke les abés di Ståvleu ont leyî aler leus teres di Coneu å Tchapite di Sint-Djhan-l'-Evandjelisse di Lidje
Dispoy 1454, djusk' al fén do Vî Redjime les teres do hamtea d' Condjou ont stî inte les mwins del famile de Coppin ki l' lignêye do costé des femes est eco rprezintêye ådjourdu.
[candjî] Economeye
L' agriculteure et l' esplwetaedje des bwès ont todi stî et sont eco todi les deus moyéns di dner di l' ovraedje åzès djins do viyaedje.
[candjî] Difoûtrinne hårdêye
Triptike di l' Adoråcion des Rwès Madjes provnant del Cinse Grandmont di Coneu - Muzêye des ancyins årts do Namurwès.
