Amberlou
Èn årtike di Wikipedia.
Amberlou (fr: Amberloup), c' est èn ancyin ptit ban del Walonreye, rebané avou Sinte-Oude.
- Limero del posse: 6680 (vî limero 6960)
- Limero diyalectolodjike: B 20
Po l' etimolodjeye et les vîs scrijhas, riwaitîz dins l' esplicant motî.
[candjî] Djeyografeye
Pitit viyadje etur Sint-Houbert, Bastogne et Libråmont, rebané avou Tiyet et Li Vatchreye al comene di Sinte-Oude.
[candjî] Istwere
Rassonrêye e 1827, l' eglijhe a livré des afwaires foirt viyes, ki datént di l' epoke rominne:
- li "Titulus", ene pire rimetowe å fronton d' l' eglijhe, ki poite, e madjuscules: CVRIA ARDVENN(AE)
- li "labrum", ene cuve d' on mete, po l' aiwe "lustråle",
- l' "ara", ene cwårêye pire di 75 cm di hôt et 45 di costé, avou, e rulief so les costés, les amblinmes di Diyane, Mineve, Mierkere et Venusse (a vey å Muzêye di Lussimbork)
Å 5inme sieke, li villa d' Amberlacus a passé dins les mwins des Merovindjins, pwis des Carolindjyins, come li prouve ene donåcion di Zwentibold e 896. E "Moustî", on-z a rtrové des bokets d' murayes d' on vî moustî di l' epoke franke.
