Alyssa Milano
From Wikipedia
Alyssa Jayne Milano (19 decembre 1972 - Brooklyn, New York) is e voormalig kiendsterretje, een actrice en e fotografe.
Inoud |
[bewerk'n] Biografie
[bewerk'n] Kiendje
Alyssa Milano wierd upgevoed in Brooklyn deur eur oeders Tom en Lin Milano. Toen daze 8 joar oed was, gienk ze met eur oeders no e Broadway musical. Tonne zaag ze da al zitten voe da ook te doen. Ton da eur babysitter auditsje gieng gon doen, pakte ze Alyssa met eur mee. De babysitter kreeg gin rolle, mo de producer voent da Alyssa wel etwa aat, en nie vele loater speelde ze èèn van de weeskiendjes in de Broadway musical 'Annie'. Iervoren moest ze assan meereiz'n met eur musical en azo kost ze niemi bie eur moaten en up schole zien.
Toen daze te oed voe die rolle begost te wordn, wier ze oentslag'n. Mo Alyssa gaaf nie up en dee mee an massas oditsjes voe musicals. Azo kreeg ze de rolle van Adele in de musical 'Jane Eyre'. Ze kreeg ook e rolle in de film 'Old Enough'.
Alyssa Milano gerakte in de joaren '80 voral bekend deur eur rolle van Samantha in de televisjereekse 'Who's the Boss?' (De Boas in Huus), woa da ze de dochter speelde van huushoeder Tony, gespeeld deur Tony Danza. Omda de serie in Los Angeles wier upgenom'n, moest eur voader oentslag pakk'n voe met Alyssa in L.A. te gon weunen. Eur ma bleef met Alyssa eur 10-joar joengere broertje Cory in Brooklyn weunen, mo nie vele loater veruusd'n zieder ook no Los Angeles. Ook doa kreeg Alyssa eur pa Tom e job als 'music editor' voe films. En eur ma Lin wier Alyssa's manager. Toet op de dag van vandoage en zieder nog alletwèè die job. In totaal kreeg Alyssa drie awards voe eur rolle in 'Who's the Boss?'.
In de film 'Commando' uut 1985 speelde Alyssa de dochter van Arnold Schwarzenegger. Toen dat die film in Japan wier uutgezond'n, wier Alyssa do massas populair. E vint die vele macht aat in de Japanese muziek weireld, oorde da Alyssa vroeger in musicals aat gespeeld, en boodt eur e contract an.
[bewerk'n] Tienerjoar'n
In de periode tussjn 1989 en 1992 makte ze mo liefst vuuf albums! Eur eeste album noemde 'Alyssa' en wier uutgebrocht in 1989. Doa ston der 10 nummers up. Et bekendste nummer van da album was 'I Just Wanna Be Loved'. Eur twèède -en bekendste- album noemt 'Look in my Heart'. Da album bevat 8 nummers, woaroender 'Look in my Heart', 'What a Feeling' en 'Straight to the Top'. Eur derde album noemde 'The Best in the World' en wier uutgebrocht in 1990. Do stoen der 7 liedjes up. Et vierde noemt 'Locked Inside a Dream'. Deen wier uutgebrocht in 1991 en bevatte 10 liedjes. Eur latste album brocht ze uut in 1992 en da noemde 'Do You See Me'. Deen bevat acht nummers. Geen èèn van die albums is uutgebrocht in Amerika of Europa, mo der zien van ieder album meer dan èèn miljoen verkocht. Alyssa was een echte supersterre; ze was riek, geliefd en ze speelde in populaire films. Mo an da kwam allemalle een ende toen da in 1992 'Who's the Boss' wier stopgezet. Alyssa's populariteit doalde enorm. Alyssa zaat enorm in den emotionèle pit, en wilde stopp'n met eur carrière. Ze voend da et et ende was van e schone droom.
[bewerk'n] Et dièptepunt in eur carrière
Toch was ze kloar voe volwass'n te wordn: ze was bereid voe in de zo genaamde 'B'-films te spel'n. In 1993 poseerde ze ook in eur blot'n in e tijdschrift genaamd 'Bikini Magazin'. Ze was ook naakt te zien in films, zoals 'Embrace of the Vampire', 'Deadly Sins' en 'Poison Ivy II: Lily'. Et deurde wel even vooda eur populariteit steeg.
Up de set van de film 'Double Dragon' leerde Alyssa acteur Scott Wolf kenn'n. Ze daten moanden lange en uutendelijk gieng ze under met mekoar verlov'n en gieng ze tôpeweunen. Ze liet ook e tattoo zett'n op eur ienkel met em ze name. Mo nog voorda ze getrouwd woaren brakt'n eur erte en gieng ze uut elkoar.
[bewerk'n] Eur comeback
Alyssa gieng zich were richt'n op eur carrière. In 1997 speelde ze in de film 'Hugo Pool'. Da was eur eeste A-film in joaren. Producer Aaron Spelling zag eur en nie vele loater speelde ze in de hitserie 'Melrose Place'. Alyssa eur populariteit steeg. Hoewel da ze wreed geliefd was bie eur collega's, voelde ze eur noois gemakkelijk up de set. Al achter èèn seizoen stapte ze uut de serie.
In 1998 kreeg Alyssa e telefongsje van Aaron Spelling toen da ze in Hawaii zaat. Em was bezig met e nieuwe serie, 'Charmed' en achter da èèn van de hoofdactrices, (Lori Rom, die oltemets op dezefste dag lik Alyssa gebor'n is) achter de pilot was weggegon, wast eur rolle vrie. Alyssa was massas content en accepteerde de rolle. 'Charmed' wier weireldwied e groot succes en wordt in Belhië uutgezond'n up KanaalTwee. Alyssa et in de serie gespeeld toe dat'n stopgezet wier achter et achtste seizoen in 2006. Alyssa was heel erg triestig toen dat de show stopgezet wier, en et schient dat ze de latste dag'n van de opnames bluuv'n slapen is up de set.
[bewerk'n] De dag van vandage
Sinds 1998 got et geweldig met eur carrière, mo nie zo goed met eur liefdesleven. In 1999 is ze effetjes getrowd gewist met de muzikant Cinjun Tate. Doarachter et ze massas korte relotjes get. Tegenwoordig is ze ook in de ambassadeur voe UNICEF.
[bewerk'n] Discografieje
- 1992: Do You See Me
- 1991: Locked Inside a Dream
- 1990: The Best in the World
- 1989: Look in my Heart
- 1989: Alyssa
[bewerk'n] Gastroll'n
[bewerk'n] Actrice
- 9 julie 2004: Jimmy Neutron
- 28 februarije 2001: Spin City (Seizoen 5, aflevering 17)
- 3 oktobre 1998: Fantasy Island (Seizoen 1, aflevering 2)
- 10 decembre 1997: Spin City (Seizoen 2, aflevering 11)
- 1 julie 1995: The Outer Limits (Seizoen 1, aflevering 16)
[bewerk'n] Eurzelv'n
- 5 decembre 2005: Corazón de
- 10 novembre 2005: Corazón de
- 8 novembre 2005: The Tony Danza Show (Seizoen 2, aflevering 42)
- 26 julie 2005: The Tony Danza Show
- 5 januarije 2005: The Insider (Seizoen 1, aflevering 73)
- 25 novembre 2004: The Tony Danza Show (Seizoen 1, aflevering 54)
- 24 novembre 2004: The Tavis Smiley Show
- 29 oktobre 2004: Ellen: The Ellen DeGeneres Show
- 18 oktobre 2004: The Insider
- 5 oktobre 2004: The Tony Danza Show (Seizoen 1, aflevering 17)
- 4 oktobre 2004: The View
- 4 moarte 2004: On-Air with Ryan Seacrest
- 21 januarije 2004: Good Day Live
- 4 septembre 2003: The Tonight Show with Jay Leno
- 3 septembre 2003: The Tonight Show with Jay Leno
- 1 septembre 2003: The Wayne Brady Show
- 23 ogustus 2003: Tinseltown TV
- 7 ogustus 2003: E! News Daily
- 11 oktobre 2002: Entertainment Tonight
- 13 septembre 2002: Late Night with Conan O'Brien
- 1 julie 2002: Revealed with Jules Asner (Seizoen 1, aflevering 24)
- 22 novembre 2001: The Tonight Show with Jay Leno
- 16 ogustus 2001: Acces Hollywood
- 25 julie 2001: Family Guy (Seizoen 3, aflevering 3)
- 17 meije 2001: Entertainment Tonight
- 26 januarije 2001: Jeopardy!
- 6 oktobre 2000: Entertainment Tonight
- 18 novembre 1998: Late Night with Conan O'Brien
- 7 novembre 1998: MTV Live
- 6 moarte 1998: The Rosie O'Donnell Show
- 9 decembre 1997: The Tonight Show with Jay Leno
- 26 septembre 1996: The Rosie O'Donnell Show
- 21 oktobre 1995: Showbiz Today
- 1 decembre 1986: The Tonight Show Starring Johnny Carson
[bewerk'n] Liefsjes
Alyssa et met vele bekende en minder bekende sterr'n gevrijt. Ier ston der e poar op e rije:
- Kirk Cameron (1985) Liefsje
- Jason London (1986) Liefsje
- Corey Haim (1987) Liefsje
- Scott Wolf (1990-1993) Verloofd
- Brian Bloom (1996) Liefsje
- Cinjun Tate (1 januari 1999 - 20 november 1999) Getrowd
- Greg Vaughan (2000) Liefsje
- Brian Krause (2000-2001) Liefsje
- Justin Timberlake (2002) Liefsje
- Fred Durst (2002 - 2003) Liefsje
- Eric Dane (2003) Liefsje
- Jimmy Federico (2003) Liefsje
- Carl Pavano (2004) Liefsje
- Barry Zito (2004) Liefsje
- Brad Penny (2005) Liefsje
[bewerk'n] Websites
Alyssa eur ma is iedere dag te vienden op et forum van Alyssa en ook Alyssa zelve komt soms eki e berichtje plats'n.
Alyssa up IMDb
Alyssa eur officiële website
Alyssa nieuws, films, downloads en meir
Alyssa's eigen gemaakte website
Alyssa's tatoeages
