Aiuto:Stub
Da Wikipedia, ła ençiclopedia libara.
Stub xe na parola englese che la voe dire tocheto, bocon. Se te ghe catà el cartelo Stub in te una paxena voe dir che ghe xe sta meso parchè quelo che ghe gera scrito rento el gera poca roba, quel poco de pì che ghe basta par no eser na voxe da vocabolario. No stub xe na voxe corta, ma no cusita corta da eser bona da gnente.
[modifica] Cavar e metare el carteo
Se te cati el cartelo co scrito stub in te na paxena te gavarisi da darne na man a butar xo un poche de robe pì de quele che ghe xe xa. Se te ghe scrito na voxe e te cati che qualchedun el te ga meso el carteo co scrito stub no sta inturbiarte: no lo ga mia meso par dir chel to laoro xe bon da gnente, ma parchè ghi nè n'cora de laoro da far par finir la paxena.
Se te credi che na paxena la sipia cresuda bastansa e chel cartelo nol serve pì, cavelo via: come che i dixe in inglese be bold!. Magari prima de metere e de cavar cartei (sto qua e anca i altri) parlate un poco con quei che ga lavorà a na voxe e che i poe esere interesà: l'ideale saria de far le robe tuti d'acordo.
[modifica] Esempi
Par dar n'idea de cosa che podemo tegner bon come stub e de cosa che invexe gavemo da trar via, metemo caso che gavesimo da scriver la voxe 'Ludwig II de Baviera.
- Un bon stub: "Ludwig II (25 de agosto 1845 - 13 de giugno 1886) xe stà re dela Baviera (10 de marzo 1864 – 13 de giugno 1886)"
- Manco bon: "Ludwig II xe stà un re bavarese, qualchedun lo ciama Re delle Favole".
- Da trar via (o substub): "I se ga mesi d'acordo de scondon e i lo ga copà"
