லக்ஸ்மி மிட்டால்
கட்டற்ற கலைக்களஞ்சியமான விக்கிபீடியாவில் இருந்து.
லக்ஸ்மி நிவாஸ் மிட்டால் (ஜூன் 15, 1950)லண்டன் நகரத்தில் வசிக்கும் இந்தியர். உலக செல்வந்தர்கள் பட்டியலில் ஜந்தாவது இடத்தினை வகிக்கும் பில்லியனரான இவரது சொத்து மதிப்புகள் 27.7 பில்லியன் அமெரிக்க டாலர்களாகும். ராஜஸ்தான் மாநிலத்தில் அமைந்துள்ள சுரு பகுதியில் சதுல்பூர் என்னும் ஊரில் பிறந்த லக்ஸ்மி மிட்டால் இன்று கெனிங்ஸ்டன், லண்டனில் வசிப்பது குறிப்பிடத்தக்கது. பிரித்தானியாவினேலேயே அதிக சொத்துக்களை உடைய இவர் அந்நாட்டின் செல்வந்தர் பட்டியலில் முதல் இடத்தை வகிக்கிறார்.
லக்ஸ்மி மிட்டால் சிறுவயதில் தனது கூட்டுக் குடும்பத்தினரருடன் சதுல்பூரில் ஜந்து வருடங்கள் தங்கியிருந்தார். லக்ஸ்மி மிட்டாலின் பாட்டனார் அமைத்த கயிற்றுப்பாயில் உறங்கிய இவர் இன்று பிரித்தானியாவிலேயே அதிக வசதி படைத்தவராக முன்னேறியுள்ளார்.மர்வாரி அகர்வால் சாதியினைச் சேர்ந்த எளிமையான குடும்பத்தில் லக்ஸ்மி மிட்டால் பிறந்தவர்.இவரது பாட்டனார் இந்தியா சுதந்திரம் அடைவதற்கு முன்னர் மர்வாரி தொழில் நிறுவனம் ஒன்றில் வேலை செய்தார். மேலும் லக்ஸ்மி மிட்டாலின் தந்தையான மோகன் கொல்கத்தாவிலுள்ள இரும்புத் தொழிற்சாலை நிறுவனத்தில் பங்குதாரராக விளங்கினார்.1969 ஆம் ஆண்டுசெயிண்ட். ஷேவியர் கல்லூரி, கொல்கத்தா கல்லூரியில் லக்ஸ்மி மிட்டால் பட்டம் பெற்றார்.
1994 ஆம் ஆண்டுகளில் தந்தையின் தொழில் நிறுவனமாக விளங்கிய மிட்டால் இரும்புத் தொழிலை வெளிநாடுகளில் வளர வாய்ப்புகளை வளர்த்தார் லக்ஸ்மி மிட்டால். இன்று உலகளவில் அதிக இரும்புகளைத் தயாரிக்கும் நிறுவனமாக உள்ள மிட்டால் இரும்பு நிறுவனத்தின் அதிபராக லக்ஸ்மி மிட்டால் திகழ்கிறார்.
22 ஜூன் 2004 ஆம் ஆண்டு நடைபெற்ற இவர் மகளான வனிஷாவின் திருமணத்திற்காக 65 மில்லியன் அமெரிக்க டாலர்கள் வரையிலான செலவுகளைச் செய்திருந்தார். மேலும் இத் திருமணமே உலகில் நடைபெற்ற அதிக செலவுகள் செய்யப்பெற்ற திருமண நிகழ்வாகும்.
